Rea
Rea (Grieks: Ῥέα) was in die Griekse mitologie ’n Titaan en is genoem die moeder van gode.
Sy was die dogter van Uranos en Gaia, die metgesel van haar broer Kronos en die moeder van Demeter, Hades, Hera, Hestia, Poseidon en Zeus, ses van die Olimpiese gode wat later die Titane verslaan het.
| Rea | |
|---|---|
| moeder van gode | |
 Rea ry op ’n leeu, Pergamon-altaar, Pergamonmuseum in Berlyn | |
| Naam | Rea |
| Man | Kronos |
| Ouers | Uranos en Gaia |
| Broers, susters | Krios, Koios, Kronos, Huperion, Iapetos, Mnemosune, Okeanos, Foibe, Tetis, Teia, Temis, Briareos, Kottus, Guges, Arges, Brontes, Steropes, die gigante, die Eriniërs, Meliai, Afrodite |
| Kinders | Poseidon, Hades, Demeter, Hestia, Hera, Zeus |
| Romeinse eweknie | Ops |
Die Olimpiese gode
Rea se man, Kronos, het hul kinders net ná hul geboorte ingesluk om ’n voorspelling te voorkom dat sy kind sy bewind sal oorneem nes Kronos sy pa, Uranos, se bewind omvergewerp het. Toe die sesde kind, Zeus, gebore word, het Rea vir Kronos ’n klip, in klere toegedraai, gegee en hy het dit ingesluk. Rea het Zeus toe in Kreta weggesteek, waar hy grootgeword het.
Toe Zeus ’n volwasse man was, het hy Kronos gedwing om die klip en sy broers en susters in omgekeerde volgorde op te bring. In die Titanestryd het Zeus en sy broers en susters Kronos se bewind omvergewerp met die hulp van die honderdhandiges, gigante en siklope, wat eers deur Uranos en toe Kronos in Tartaros gevange gehou is. Baie van die Titane is ná hul nederlaag na Tartaros gestuur.
Verwysings
Hierdie artikel is vertaal uit die Engelse Wiki
This article uses material from the Wikipedia Afrikaans article Rea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.