Puńsk
Puńsk (Litaus: Punskas) is 'n Poolse nedersetting en administratiewe setel van die gelyknamige munisipaliteit (gmina), sowat 23 km noordoos van Suwałki en 5 km vanaf die grens met Litaue in die Woiwodskap Podlachië geleë.
Puńsk • Punskas | |
|---|---|
Dorp | |
 Mickiewicz-straat | |
 Seël | |
  Puńsk • Punskas | |
| Koördinate: 54°15′03″N 23°10′4″O / 54.25083°N 23.16778°O | |
| Land |  Pole |
| Woiwodskap | Podlachië |
| Powiat | Sejneński |
| Gmina | Puńsk |
| Bevolking | |
| • Totaal | 1 331 |
| Poskode | 16-515 |
| Skakelkodes | (+48) 87 |
Die bevolking, wat in 2011 op 1 331 beraam is, is merendeels Litaussprekend (met 74,9 persent Litaussprekendes in die munisipaliteit volgens die Poolse sensus van 2002). Puńsk is sedert 2006 amptelik tweetalig en het twee jaar later ook tweetalige plekname ingevoer (Pools en Litaus).
Die enigste skool in Pole met Litaus as onderrigmedium is in Puńsk geleë. Die nedersetting vervul belangrike funksies as sentrum van die Litause volkskultuur in Pole en in verband met die handelsbetrekkinge tussen die twee lande.
Die Poolse bevolking het sy solidariteit met Litaue gedurende die Sowjet-Russiese blokkade vanaf Maart 1990 bewys. Dwarsoor Pole is 'n verskeidenheid goedere ingesamel, en Puńsk was die logistieke sentrum vanwaar hulle na Litaue vervoer is. Kerkgangers het elke Sondag ná die kerkdiens vir Litaue se onafhanlikheid van Sowjet-Rusland betoog.
Verwysings
This article uses material from the Wikipedia Afrikaans article Puńsk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.