Proto-Evangelie Van Jakobus
Die Proto-Evangelie van Jakobus is 'n Nuwe Testamentiese Apokriewe skrif.
Die naam Proto-Evangelie beteken letterlik Voor-Evangelie. Hierdie Evangelie het die naam gekry omrede dit van 'n aantal gebeure vertel wat plaasgevind het vóór die gebeure waarvan ons in die vier Evangelies lees. In die laaste hoofstuk word vertel dat die boek geskryf is deur Jacobus, Jesus se broer. Dit is egter nie waar nie en die skrywer is onbekend. Hy het die naam van Jakobus gebruik omdat Jakobus gesag in die vroeë kerk gehad het. Die boek staan ook bekend as die Die geboorte van Maria, Die openbaring van Jakobus of net as Die boek van Jakobus. Daar word vermoed dat die boek tussen 150 en 200 n.C. geskryf is. Daar is onsekerheid oor presies waar die boek geskryf is. Dit is oorspronklik in Grieks geskryf maar later in ander tale soos Latyn, Etiopes en Siries vertaal.
Die boek handel meestal oor Maria, onder andere haar ryk ouers, haar geboorte, haar tyd in die tempel tot by die geboorte van Jesus. Teen 500 n.C. was die boek verwerp en het nie meer deel van die Bybel gevorm nie.
Bron
- APOKRIEWE Ou en Nuwe Testament. Verlore boeke uit die Bybelse tyd. Jan van der Watt, Francois Tolmie. 2005. ISBN 1-77000-192-1
This article uses material from the Wikipedia Afrikaans article Proto-Evangelie van Jakobus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.