Proporsie

Volgens die WAT is dit die gevormdheid of afmeting van iets in verhouding tot 'n ander deel of ander dele daarvan, bv. 'n gebou met eenvoudige, harmonieuse, mooi, pragtige proporsies. Die woord is van die Latynse proportio afkomstig, wat ‘deel’ beteken.

Proporsie verwys na balans, eweredigheid, harmonie. Dit is deel van 'n groter geheel, of hoeveelheid of getal wat deel van 'n groter geheel vorm: 'n Aanmerklike, aansienlike, beduidende, groot proporsie. Dit kan ook op persentasie en afmeting dui, bv. die mielieoes het vanjaar merkwaardige proporsies aangeneem.

Proporsie is die manier waarop dinge verband hou met hoeveelheid, verhouding of grootte as ʼn geheel – die manier waarop jy jou koffie met ʼn kwart koppie melk, driekwart koppie kookwater, saam met ʼn teelepel elk koffiepoeier en suiker aanmaak. Skaal, aan die ander kant, hou hoofsaaklik verband met slegs grootte – ʼn aandete eerder as bloot ʼn versnapering. In ontwerp werk die twee beginsels saam. As alles te vergelykbaar is volgens verhouding en volgens skaal, het die oog nie ʼn interessante pad om te volg nie, aangesien dit om ʼn spasie beweeg. Aan die ander kant, as alles te verskillend is, word die pad kras of te hobbelig. Om ʼn goeie balans te vind is die ideaal.

Handwoordeboek van die Afrikaanse Taal, soos by https://viva-afrikaans.org/portale/woordeboekportaal op 5 Junie 2019 besigtig

https://genotcahin.ru/feng-shui/21612-hoe-om-proporsie-in-versiering-te-gebruik.html

Woordeboek van die Afrikaanse Taal, soos by https://viva-afrikaans.org/portale/woordeboekportaal op 5 Junie 2019 besigtig