Projek Fluit
Projek Fluit (later hernoem na die Gekonsolideerde Projek Fluit) is 'n Suid-Afrikaanse spioenasieprogram.
In 2006 is 'n ooreenkoms tussen die Suid-Afrikaanse regering en 'n Russiese maatskappy, Mashinostroyenia, aangegaan vir die lewering van 'n Kondor-E spioenasiesatelliet. Die kontrak ter waarde van R1,2-miljard rand (genommer 710/303/060001) is op 19 Mei 2006 onderteken. Die Kondor-E kan na bewering radarbeelde van voorwerpe so klein as motors in die nag deur wolkbedekking waarneem.
Die maatskappy het glo in 2008 ‘n brief van beswaar aan Suid-Afrika gestuur omdat hulle nog geen betaling ontvang het nie. Die destydse Minister van Verdediging, Mosiuoa Lekota, het vermoedelik die kontrak gevries. Sy opvolger, Lindiwe Sisulu het later vasgestel dat die kontrak na die Departement van Wetenskap en Tegnologie onder minister Naledi Pandor oorgeplaas is.
Volgens die Departement van Staatsveiligheid is alle inligting oor die satelliet geklassifiseerd. Daar bestaan tans onsekerheid of die satelliet wel bestaan of nie.
Verwysings
This article uses material from the Wikipedia Afrikaans article Projek Fluit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.