Prins Eduard-Eilande
Prins Eduard-eilande (Engels: Prince Edward Islands) is 'n onbewoonde en onherbergsame sub-antarktiese eilandgroep in die suidelike Indiese Oseaan en behoort sedert 1947 aan Suid-Afrika, sedert 1994 aan die provinsie Wes-Kaap en maak administratief deel uit van die Stad Kaapstad Metropolitaanse Munisipaliteit.
- Hierdie artikel handel oor die Suid-Afrikaanse eilandgroep in die suidelike Indiese Oseaan. Vir die Kanadese provinsie, sien Prins-Edward-eiland.
| Prins Eduard-eilande | |
|---|---|
 Nasa-satellietbeeld van die Prins Eduard-eilande | |
| Geografie
| |
| Ligging | Suid-Afrika, Indiese Oseaan |
| Koördinate | 46°46′S 37°51′O / 46.767°S 37.850°O 37°51′O / 46.767°S 37.850°O
|
| Totale eilande | 2 |
| Hoofeilande | Marion-eiland, Prins Eduard-eiland |
| Oppervlakte | 335 vk km |
| Hoogste punt | Mascarin-piek 1 242 m |
| Administrasie | |
 Suid-Afrika | |
| Provinsie | Wes-Kaap
|
| Demografie | |
| Bevolking | 50 (wetenskaplikes)
|
Die eilandgroep bestaan uit twee eilande, nl. Prins Eduard-eiland en Marion-eiland. Die Prins Eduard-eilande het 'n oppervlakte van 335 km² en lê halfpad tussen Suid-Afrika en Antarktika. Die eilande is op 13 Januarie 1773 deur die Franse ontdekkingsreisiger Marc-Joseph Marion du Fresne ontdek en in Desember 1776 deur die Britse ontdekkingsreisiger James Cook na Prins Edward, die vierde seun van koning George III en die vader van koningin Victoria, genoem.
Die eilande word gebruik vir weerkundige en wetenskaplike navorsing. Onwettige visvangs vind rondom die eilande plaas met die gevolg dat die verminderde visgetalle ly tot vrektes onder die seevoëls. Die Prins Eduard-eilande is in 2007 tot Ramsar-vleiland verklaar.
Sien ook
Eksterne skakels
Hierdie Suid-Afrika-verwante artikel is slegs 'n saadjie. U kan ons wikipedia help deur dit uit te brei.This article uses material from the Wikipedia Afrikaans article Prins Eduard-eilande, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.