Prins Albertweg
Prins Albertweg is 'n gehuggie geleë in Laingsburg Plaaslike Munisipaliteit, Wes-Kaap.
Prins Albertweg | |
|---|---|
Nedersetting | |
  Prins Albertweg | |
| Koördinate: 32°59′4″S 21°41′13″O / 32.98444°S 21.68694°O 21°41′13″O / 32.98444°S 21.68694°O | |
| Land |  Suid-Afrika |
| Provinsie | Wes-Kaap |
| Distriksmunisipaliteit | Sentraal Karoo |
| Plaaslike Munisipaliteit | Laingsburg |
| Bevolking | |
| • Totaal | 103 |
| Tydsone | UTC+2 (SAST) |
| Poskode | 6931 |
| Skakelkodes | 023 |
Geskiedenis
Die nedersetting van Prins Albertweg het sy bestaan te danke aan die roete wat deur Eerste Minister John Molteno gekies is in 1872 vir die Kaapse Regeringspoorweë se weshooflyn en sy stasies, vanuit Kaapstad na die diamantvelde by Kimberley.
'n Stasie is gebou op hierdie spesifieke punt deels as gevolg van sy ligging ongeveer halfpad tussen Beaufort-Wes en Laingsburg, en 'n pad wat loop na Prins Albert, aan die voet van die Swartberge, 40 km na die suide. Hierdie pad het dus die naam van Prins Albertweg (nou die R407) gekry, en die stasie is dieselfde naam gegee, as "Prince Albert Road". Daar het gou 'n klein dorpie ontwikkel rondom die stasie; uit hierdie het die moderne dorp gegroei.
Toerisme-aantreklikhede
Dit is vandag bekend vir sy fossielroetes in die omliggende Karoo. Die kunstenaar Jan Schoeman ("Outa Lappies") was moontlik die dorp se beroemdste inwoner. Hy was 'n kunstenaar, herwinner en filosoof, wat aangewys is as die Wes-Kaapse Toerisme-persoonlikheid van die Jaar in 2000. Hy is op 7 Julie 2011 oorlede.
Verwysings
This article uses material from the Wikipedia Afrikaans article Prins Albertweg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.