Die President van Brasilië (Portugees: Presidente do Brasil), amptelik die President van die Federale Republiek van Brasilië (Portugees: Presidente da República Federativa do Brasil) of eenvoudig die President van die Republiek, is die staatshoof sowel as die regeringshoof van die Federale Republiek van Brasilië.
Die president lei die uitvoerende tak van die federale regering en is die opperbevelvoerder van die Brasiliaanse Gewapende Magte. Die presidensiële stelsel is in 1889 ingestel na die proklamasie van die republiek in 'n militêre staatsgreep teen Keiser Pedro II. Sedertdien had Brasilië ses grondwette, drie diktatorskappe, en drie demokratiese periodes. Tydens die demokratiese periodes was stem verpligtend. Die Grondwet van Brasilië, tesame met verskeie grondwetwysigings, stel die vereistes, magte, en verantwoordelikhede van die president en sy of haar ampstermyn asook die metode van verkiesing vas.
Wiki Commons bevat media in verband met Presidente van Brasilië. |
This article uses material from the Wikipedia Afrikaans article President van Brasilië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.