Poskantoor

Poskantore bied posverwante dienste aan soos die aanvaarding van briewe en pakkies vir versending na ander poskantore, selfs in die buiteland. Benewens die voorsiening van posbusse en die verkoop van posseëls, verpakking en skryfbehoeftes, bied baie poskantore ook bykomende dienste aan, soos die verskaffing en aanvaarding van regeringsdokumente (soos paspoort-aansoeke), verwerking van regeringsdienste en -fooie (soos voertuigbelasting en verkeersboetes) en bankdienste (soos spaarrekenings en poswissels). Die hoofadministrateur van 'n poskantoor is 'n posmeester.

Voor die koms van poskodes, het posstelsels 'n bepaalde roete gebruik om items aan 'n spesifieke poskantoor vir ontvangs of aflewering beskikbaar te stel. In 19-eeuse Amerika het hierdie praktyk dikwels daartoe gelei dat kleiner gemeenskappe na hul poskantore vernoem is, veral ná die Poskantoor nie meer enige duplikaatname binne 'n staat wou toelaat nie.

•  
  Rissikstraatposkantoor in Johannesburg
•  
  Ingang na die netjiese poskantoor in Alberton, Gauteng
•  
  Ou Hoofposkantoor (HPK) op Kerkplein in Pretoria
•  
  Die poskantoor op Maclear, Oos-Kaap
•  
  Die historiese ou poskantoorboom in Mosselbaai
•  
  Moderne poskantoor op 'n lughawe in Thailand
•  
  Posbusse in Stellenbosch

• Lys van poskodes in Suid-Afrika