'n Podsending of potgooi (Engels: podcast) is 'n reeks digitale medialêers (klank of video) wat periodiek op die internet vrygestel word en dan deur gebruikers beluister of bekyk word.
Gebruikers kan meestal inteken op podsendings, sodat nuwe episodes outomaties deur middel van websindikasie afgelaai word op die gebruiker se eie rekenaar, mobiele toestel (soos 'n selfoon of tablet), of draagbare mediaspeler.
Die woord "podsending" is 'n versmelting van die woord "iPod" (Apple se draagbare mediaspeler) en "uitsending". Alhoewel die tegnologie nie slegs met iPods gebruik word nie, het Apple se tegnologie 'n belangrike rol gespeel in die ontwikkeling en uiteindelike sukses van podsendings. Die stam "send-" word dikwels in mediakontekste gebruik, soos byvoorbeeld "beeldsend(ing)", "(kortgolf)sender", "warsender", ensovoorts.
Die woord "podsend" (as selfstandige naamwoord én werkwoord) is vir die eerste keer in 2009 in die Afrikaanse woordelys en spelreëls (AWS) opgeneem. In die 2017 uitgawe van die AWS word "podsend" én "podsending" (meervoud: "podsendings") naas die informeler "potgooi" (meervoud: "potgooie") erken. Ook word die selfstandige naamwoorde "podsender" en "potgooier", en die werkwoorde "podsend" en "potgooi" (verledetydsvorm: "gepotgooi") in dié AWS erken.
This article uses material from the Wikipedia Afrikaans article Podsending, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.