Pioneer 10
Pioneer 10 was die eerste ruimtesending om Jupiter, Saturnus en die rante van die sonnestelsel te bestudeer.
Die ruimtetuig is op 3 Maart 1972 deur NASA gelanseer. Op 3 Desember 1973 beweeg Pioneer 10 op 'n afstand van 130 000 km langs Jupiter verby en stuur die eerste detailopnames na die Aarde. Die ruimtetuig was deel van die Pioneer-program.
Die tuig is van 'n plaket voorsien met inligting oor mense en die posisie van die Aarde in die sonnestelsel. Dit dui aan hoe die tuig die derde planeet, Aarde verlaat. Die plaket is deur 'n span onder leiding van Carl Sagan ontwerp in 'n poging om met buiteaardse lewe, waarmee die tuig moontlik in aanraking kan kom, te kommunikeer.
Op 25 April 1983 reis Pioneer 10 verby Pluto se wentelbaan en op 13 Junie 1983 word dit die eerste mensgemaakte voorwerp om die sonnestelsel te verlaat. Die laaste kontak met die tuig is op 7 Februarie 2003 beantwoord. In 2006 is 'n finale poging aangewend om die tuig te kontak, maar dit het misluk.
Eksterne skakels
- Wiki Afrikaans
Wiki Commons het meer media in die kategorie Pioneer 10.
This article uses material from the Wikipedia Afrikaans article Pioneer 10, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.