Pieter Cornelis (Piet) Mondriaan (Amersfoort, 7 Maart 1872 – New York, 1 Februarie 1944) was 'n Nederlandse kunstenaar en skilder wat 'n groot gedeelte van sy lewe in die buiteland gewoon en gewerk het.
Hy word oor die algemeen as 'n pionier van die abstrakte en nie-figuratiewe kuns beskou. Veral sy latere geometries-abstrakte werk, met die kenmerkende horisontale en vertikale swart lyne en primêre kleure, is wêreldberoemd en is 'n bron van inspirasie vir vele argitekte en ontwerpers van toegepaste kuns. Hy was één van die belangrikste medewerkers van die tydskrif De Stijl en ontwikkel 'n eie kunsteorie, wat hy Nuwe Beelding of Neo-plastisisme noem. Hy is buite Nederland beter bekend as Mondrian, 'n verfransing van sy van.
Piet Mondriaan | |
---|---|
Piet Mondriaan in 1899 | |
Gebore | Amersfoort, Nederland | 7 Maart 1872
Sterf | 1 Februarie 1944 (op 71) Manhattan, New York Stad |
Nasionaliteit | Nederland |
Veld | Skildery |
Opleiding | Rijksakademie |
Beweging | De Stijl |
Mondrian kom in 1911 van Nederland in Parys aan. Hy het hier eksperimente in kubisme teëgekom. Dit merk die begin van 'n tydperk van diepgaande verandering in sy werk. Om homself met die avant-garde in Parys te integreer, het hy 'n 'a' van die Nederlandse spelling van sy naam (Mondrian) verwyder.
In 1940 emigreer hy van die oorloggeteisterde Europa na om die laaste vier jaar van sy lewe in New York Stad te woon. Sy skilderye van daardie tyd druk die uitbundige stadslewe uit. In sy finale skildery, Broadway Boogie Woogie (1942–1943), word sy dambord-patrone, wat voorheen swart was, nou met blou, grys, rooi en geel geverf. Die geel is glo deur New York se geel taksies geïnspireer.
This article uses material from the Wikipedia Afrikaans article Piet Mondriaan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.