Petrus Pelser

Dr.

Petrus Jacobus Pelser (noemnaam Piet, 5 September 1929, distrik Bethulie, Oranje-Vrystaat – 24 Maart 1984) was van 1956 tot sy dood in die amp predikant in vier gemeentes van die Gereformeerde Kerke in Suid-Afrika, waarvan een in sy geboorteprovinsie en die orige drie in die destydse Transvaal.

Piet Pelser
 P.J. Pelser
Petrus Jacobus Pelser

Naam Petrus Jacobus Pelser
Geboorte 5 September 1929
Distrik Bethulie, Oranje-Vrystaat
Sterfte 24 Maart 1984 (op 54)
Onbekend
Kerkverband Gereformeerd
Gemeente(s) Louis Trichardt-kombinasie 1956–1961
Heidelberg 1961–1967
Welkom 1967–1976
Brits-Wes 1976–1984
Jare aktief 1956–1984
Kweekskool Potchefstroom

Herkoms en skoolloopbaan

Petrus Pelser 
Professore en studente aan die Teologiese Skool Potchefstroom, 1955. Agter: P.B. de Klerk, G.H. Buys, onbekend, A.Z. Pelser, G. du Plessis, P.J. Steyn, onbekend, onbekend, onbekend, A. Van der Walt, onbekend, Gert Bester, drie onebekend, H.A. Van Dalsen, onbekend. Middel: Onbekend, Abraham Coetsee, J.T.C. Snyman, J.H. Coetzee, J.A.H. van der Vinne, F.J. Labuschagne, J.J. Venter, J. van V. du Plessis, A.J. du Plessis, onbekend, Koos van Rooy, onbekend, A.J.R. Vermeulen, vier onbekend, L.H. Stavast. Voor: W.J.J. du Plessis, Willie Maritz, P.J. Pelser, J. Visser, P.C. Snyman, L.S. van der Vyver, proff. Sarel van der Walt, Willem Snyman, Stephanus du Toit, S.J. du Plessis, P.J.S. de Klerk, J.L.J. Snyman, F.N. Lion-Cachet, F.R.P. de Bruyn, A.S.L. Minnaar, T. Steyn.

Pelser het as plaasseun grootgeword op sy ouers se plaas, waarop sy vader in die Suid-Vrystaat geboer het. Later is hy na die dorp Bethulie waar hy sy skoolloopbaan voltooi en in 1948 gematrikuleer het met onderskeiding in wiskunde en skei- en natuurkunde. Vakansietye het die rustige plaaslewe en die werk op die plaas ’n goeie uitwerking op sy lewe gehad. Vroeg in 1949 was hy op die trein op pad na Stellenbosch om 'n landbougraad te verwerf. Aangekom op Stellenboschstasie het hy die wêreld deurgekyk en onmiddellik besluit dis nie vir hom nie. Hy het die eerste trein na die noorde gehaal, Potchefstroom toe, om vir predikant te gaan sonder die medewete van sy ouers, wat eers later daarvan verneem het. Drie jaar later het hy sy B.A. behaal. Daarna is hy na die Teologiese Skool Potchefstroom, waar hy einde 1955 die graad Th.B. verwerf en beroepbaar gestel is as predikant in die Gereformeerde Kerk. Sy Th.M. het hy in 1966 en Th.D. in 1977 met dogmatiek as rigting verwerf.

As student is hy met Lila Malan getroud. Hulle het twee seuns en drie dogters gehad wat elkeen 'n stewige, gelowige opvoeding geniet het.

Hy het reeds vroeg in sy lewe kennisgemaak met die gereformeerde waarheid, want sy vader was eers diaken en later ouderling van die Gereformeerde kerk Bethulie. Gedurende sy skooljare het hy op die dorp ingewoon by sy grootouers, wat eweneens streng gereformeerd was. Hy het die katkisasies bygewoon vandat hy in die skool gekom het tot hy belydenis van geloof afgelê het.

Opleiding en loopbaan

As proponent het Pelser kort nadat hy sy studie voltooi het, ’n beroep na die kombinasie Louis Trichardt-Magalakwin-Messina aanvaar en is op 18 November 1956 as predikant van dié kombinasie bevestig. In dié drie gemeentes in die uitgestrekte bosveld van die destydse Transvaal het hy gearbei tot hy in 1961 ’n beroep aangeneem het na Heidelberg. Ses jaar later het hy predikant van Welkom geword en in 1976 is hy bevestig in sy laaste gemeente, Brits-Wes, waarvan hy die tweede predikant was. Agt jaar later is hy oorlede terwyl hy nog in die bediening gestaan het.

Waardering

J. van V. du Plessis skryf in die Almanak van 1985 dr. Pelser was "vriendelik, op sy plek en netjies – altyd dieselfde. 'n Mens wat sy emosies kon beheer, wat jou kon teregwys en tog op so 'n wyse dat jy dit kon aanvaar en verwerk." Hy skryf dr. Pelser het sy predikantswerk met groot erns beoefen. "Sy prediking het diepte en besinning getoon. As voorsitter was hy baie bekwaam, daarvoor was hy op universiteit reeds as ondervoorsitter van die studenteraad geslyp. In die kerkverband het hy baie vertroue geniet soos blyk uit die getal en verskeidenheid sinodale kommissies waarin hy deur al die jare gedien het.

"Eintlik was hy 'n stil persoon, vir baie dalk byna ontoeganklik. Tog was hy 'n mens met 'n sterk persoonlikheid en met sterk voor- en afkeure. Sy stem is min op meerdere vergaderings gehoor. Hy was egter baie deeglik voorberei en het in gesprekke sy besliste menings oor sake gehad. Hy het homself nêrens op die voorgrond gedring nie, maar 'n heel beskeie lewe gelei. Sy ware vriende was min, dog as hy iemand uitgesoek het, dan was hy sy vriend deur dik en dun en het hy so 'n persoon in sy volle vertroue geneem."

Pelser is op Brits begrawe. Du Plessis skryf: "Sy lyde was die laaste maande baie swaar, maar hy het dit in stilte met volle geloofsoortuiging gedra. In dankbare herinnering dink ons aan 'n bekwame en toegewyde dienskneg van die Here wat ten volle bewus was van sy tekortkominge. 'n Mooi mens, 'n stil mens, 'n gelowige mens."

Bronne

  • (af) Venter, H.J. 1959. Eeufeesgedenkalbum van die Gereformeerde kerke in die Klassis Waterberg 1859–1959. Potgietersrus: Deputaatskap vir die Gedenkalbum.
  • (af) Du Plessis, dr. J. van V. in De Bruyn, ds. F.R.P. 1985. Almanak van die Gereformeerde Kerke in Suid-Afrika vir die jaar 1985. Potchefstroom: Administratiewe Buro.

Tags:

Petrus Pelser Herkoms en skoolloopbaanPetrus Pelser Opleiding en loopbaanPetrus Pelser WaarderingPetrus Pelser BronnePetrus Pelser1929198424 Maart5 SeptemberBethulieGereformeerde Kerke in Suid-AfrikaOranje-VrystaatTransvaal

🔥 Trending searches on Wiki Afrikaans:

PenisverlengingWikiApostoliese GeloofsendingHeilige SaterdagSarah Rose KarrLiefdeLily CarterStaat PalestinaCecil John RhodesToorbergVermaakKrieketTweebuffelsmeteenslagmorsdoodgeskietfonteinNelson MandelaSlag van Cuito CuanavaleAfrikaanse woordelys en spelreëlsEkonomieLys van politieke partye in Suid-AfrikaSpelerposisies in rugbyHorlosieVuurGriekelandEuropaJannie du ToitRuslandAkuutESterrestelselPersentasieLys van Afrikaanse rolprenteMaagKoninkryk van die NederlandeChristendomLys van Afrikaanse televisiereekseLimfvatstelselAarverkalkingHartaanvalInfeksieMenseregteTolla van der MerweMangelontstekingOrkaan GustavMenseregtedagGebande muishondWaterpokkiesDagroofvoëlsNederduitse Gereformeerde KerkJo BlackDikdermNarsismeSteve HofmeyrDesiré GardnerJan BloukaasPalmsondagBasisinkomsteSiberiëOnse VaderJesus van NasaretKameelperdLys van kinderspeletjiesKruisigingSelfstandige naamwoordCyril RamaphosaStrandbeestBrasiliëEnsiklopedieSuid-Afrikaanse etniese groepe en kultureWashington, D.C.Republiek ArtsachWikipedia🡆 More