Petronas-Torings
Die Petronas-torings, ook bekend as die Petronas-tweelingtoring (Maleis: Menara Petronas, of Menara Berkembar Petronas), is 'n tweelingtoring in Kuala Lumpur, Maleisië.
Volgens die "Council on Tall Buildings and Urban Habitat" (CTBUH) se ranglys was dit van 1998 tot 2004 amptelik die hoogste gebou ter wêreld, en is steeds die hoogste tweelingtoring ter wêreld. Die geboue, saam met die nabygeleë Kuala Lumpur-toring, is 'n onmiskenbare landmerk van Kuala Lumpur.
Geskiedenis
Die torings is deur die Argentyns-Amerikaanse argitek César Pelli ontwerp. Hy het 'n eiesoortige styl ontwikkel om die 21ste-eeuse ikoon vir Kuala Lumpur te ontwerp. Die beplanning van die torings het op 1 Januarie 1992 begin en het toetse en simulasies vir wind en las ingesluit. Sewe jaar se bouwerk het op die oorspronklike perseel van die Selangor Turf Club gevolg, met die uitgrawings wat op 1 Maart 1993 begin het.
101°42′42″O / 3.15785°N 101.71165°O
This article uses material from the Wikipedia Afrikaans article Petronas-torings, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.