Parsival
Parsival is een van die groot literêre werke van die Middeleeue.
Dit behandel die legende van die volmaakte ridder en sy soektog na die Heilige Graal. Die Franse digter Chrétien de Troyes (omstreeks 1135-1183) skryf die oorspronklike Perceval (1180) wat egter onvoltooi bly. Die Duitse vertaling Parsival deur Wolfram von Eschenbach (omstreeks 1170-1220) word as die beste weergawe beskou. Dit ontstaan tussen 1200 en 1216 en bevat talle historiese besonderhede wat nie in die ouer weergawes voorkom nie. Von Eschenbach se bewerking word deur 'n dieper spirituele betekenis en 'n nuwe begrip van moraal gekenmerk. Die Duitse Parsival behandel onder meer die lofwaardigheid van 'n kuise huwelik en die wêreldse pligsbesef van sy helde, terwyl die ouer weergawes eerder 'n asketiese leefwyse en 'n afsondering van die wêreldse lewe propageer.
This article uses material from the Wikipedia Afrikaans article Parsival, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.