Die Park-sinagoge was die tweede sinagoge in die stad Johannesburg.
Dit was geleë op die hoek van De Villiers- en Joubertstraat oorkant die telefoontoring. Dis in 1892 opgerig deur Alpine en Short na die plan van die argitekte Menze & Brauer. President Paul Kruger het die vier standplase geskenk waarop die sinagoge gebou is en ook die inwyding daarvan waargeneem.
In 1896 het J.F. Kroll die predikantswoning ontwerp en Kallenbach & Reynolds was verantwoordelik vir veranderings aan die sinagoge in 1903. Die gebou is tot 1912 gebruik, toe dit aan die spoorweë verkoop en gesluit is. In sy plek is later ’n spoorweggebou opgerig.
Iewers tussen 1903 en 1905 is ’n skool by die sinagoge aangehou, ontwerp deur Benzie & Deeble. Ná die Eerste Wêreldoorlog is die skool verskuif na Endstraat langs die spoorweglyn, waar dit vandag voortbestaan as die Laerskool I.H. Harris.
This article uses material from the Wikipedia Afrikaans article Park-sinagoge, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.