Paramagnetisme

'n Paramagnetiese materiaal sal by blootstelling aan 'n uitwendige magneetveld met sterkte H 'n magnetisasie M genereer wat direk eweredig is aan die veld. Die eweredigheidskonstante word die vatbaarheid of susseptibiliteit genoem.

${\displaystyle M=\chi H}$

Die magnetiese vatbaarheid volg gewoonlik Curie-Weiss se wet wat sê dat dit omgekeerd eweredig met die (absolute) temperatuur is:

${\displaystyle \chi ={C \over T}}$

Hierin is C die Curie-konstante wat bepaal word deur die grootte en die aantal van die magnetiese momente (spins) in die materiaal:

${\displaystyle C=\mu _{o}{N \over V}{\mu ^{2} \over 3k_{B}}}$
Die magnetiese deurdringbaarheid van die vakuum: ${\displaystyle \mu _{o}}$
Die aantal spins per volume: ${\displaystyle {N \over V}}$
Die magnetiese moment van die spins: ${\displaystyle \mu }$
Konstante van Boltzmann: ${\displaystyle k_{B}}$