Paralimpiese Somerspele 2008

XIIIe Paralimpiese Somerspele

Gehou in Beijing, China Deelnemende lande 146 Deelnemende atlete 4 011 (2 629 mans, 1 382 vroue) Items 472 in 20 sporte Openingseremonie 6 September 2008 Sluitingseremonie 17 September 2008 Amptelik geopen deur President Hu Jintao Atlete-eed – (sedert 2012) Beampte-eed Hao Guohua Olimpiese vlam Hou Bin Vorige Spele 2004: Athene (Griekeland) Volgende Spele 2012: Londen (VK)

Tydens die geleentheid het 4 011 atlete uit 146 nasies aan 472 items in 20 verskillende sportsoorte deelgeneem. Dit was die 13de Paralimpiese Somerspele wat aangebied is.

Die Olimpiese Somerspele 2008 is tussen 8 en 24 Augustus in Beijing gehou.

 

 

As deel van 'n formele ooreenkoms tussen die Internasionale Paralimpiese Komitee en die Internasionale Olimpiese Komitee uit 2001 is die wenner van die bod vir die Olimpiese Somerspele 2008 ook die gasheer vir die Paralimpiese Somerspele 2008. Beijing is op 13 Julie 2001 in Moskou deur die Internasionale Olimpiese Komitee gekies as die gasheer vir die Olimpiese Somerspele in 2008. Dié stad is bo die ander kandidate op die kortlys, naamlik Istanboel (Turkye), Osaka (Japan), Parys (Frankryk) en Toronto (Kanada) gekies.

Die stemming het as volg verloop:

Stemming vir gasheer van die Olimpiese Somerspele 2008
Stad	Land	Rondte 1	Rondte 2
Beijing	Volksrepubliek China	44	56
Toronto	Kanada	20	22
Parys	Frankryk	15	18
Istanboel	Turkye	17	9
Osaka	Japan	6	—

Net soos tydens die "gewone" Spele is 'n fakkel via 'n aflos na die Olimpiese Stadion gedra waar die Olimpiese vlam aangesteek is. Die aflos sou in verskeie lande en deur China plaasgevind het, maar die roete is ingeperk en die internasionale been is gekanselleer as gevolg van die aardbewing wat Sichuan in Mei 2008 getref het. Die besluit is geneem sodat daar op reddingswerk en die slagoffers gefokus kon word.

 

20 verskillende sportsoorte is tydens die Paralimpiese Spele beoefen. Roei is vir die eerste keer op die program ingesluit. Die sportsoorte is:

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die aantal dui op die aantal medaljeparades wat die dag gehou is.

OS

Openingseremonie

●

Wedstryde

1

Wedstryde met medaljes

SS

Sluitingseremonie

September	6 Sa	7 So	8 Ma	9 Di	10 Wo	11 Do	12 Vr	13 Sa	14 So	15 Ma	16 Di	17 Wo	Items
5-per-kant sokker		●		●		●		●		●		1	1
7-per-kant sokker			●		●		●		●		1		1
Atletiek			10	20	17	10	16	20	18	19	25	5	160
Bankdruk				3	4	2		3	4	2	2		20
Boccia		●	●	4	●	●	3						7
Boogskiet				●	●	●	●	4	3	2			9
Doelbal		●	●	●	●	●	●	●	2				2
Fietsry		5	5	7	4		15	4	4				44
Judo		4	4	5									13
Roei				●	●	4							4
Rolstoelbasketbal		●	●	●	●	●	●	●	●	1	1		2
Rolstoelrugby							●	●	●	●	1		1
Rolstoelskerm									3	3	2	2	10
Rolstoeltennis			●	●	●	●	●	1	3	2			6
Ruitersport		●	2	4	3	2							11
Seil			●	●	●	●	●	3					3
Sitvlugbal		●	●	●	●	●	●	●	1	1			2
Skyfskiet		2	2	2	2	2	2						12
Swem		16	18	16	12	13	16	14	18	17			140
Tafeltennis		●	●	●	5	11	●	●	●	4	4		24
Seremonies	OS											SS
Totaal	0	27	41	61	46	45	52	49	56	51	36	8	472
September	6 Sa	7 So	8 Ma	9 Di	10 Wo	11 Do	12 Vr	13 Sa	14 So	15 Ma	16 Di	17 Wo	Items

Hier volg 'n alfabetiese lys van al die Nasionale Paralimpiese Komitees wat deelgeneem het. Waar beskikbaar word die aantal atlete per land in hakies aangedui:

Suid-Afrikaanse deelname

 

 

 

Die Suid-Afrikaanse Paralimpiese span van 59 atlete het op Vrydag, 29 Augustus 2008 na Beijing vertrek. Die span het 35 medaljes tydens die vorige Spele in 2004 verower en in die 13de posisie geëindig.

Natalie du Toit kon nie aan die 100 m-rugslag deelneem nie aangesien die Suid-Afrikaanse sportvereniging vir liggaamlik gestremdes (SASVLG) haar te laat vir die item geregistreer het.

Soos tydens die Olimpiese Spele, het Natalie du Toit weer die Suid-Afrikaanse vlag tydens die openingseremonie in die Beijing Nasionale Stadion ingedra. Dit maak haar die eerste atleet in die moderne geskiedenis wat die eer gehad het om tydens beide geleenthede as vlagdraer op te tree.

Natalie du Toit het ook Suid-Afrika se eerste medalje verower toe sy op die eerste dag van die Spele 'n goue medalje tydens die 100 m-vlinderslag ingepalm het.

Na die tweede dag is Suid-Afrika in die vyfde posisie. Medaljes vir die dag:

• Natalie du Toit (tweede goue medalje en nuwe Paralimpiese rekord vir die 100 m-vryslag)
• Charl Bouwer (goue medalje en nuwe wêreldrekord vir die 400 m-vryslag)
• Philippa Johnson (goue medalje vir dressuur)
• Nicholas Newman (brons medalje vir spiesgooi)

Medaljes vir die derde dag:

• Oscar Pistorius (goud vir die 100 m-naelloop)

Vierde dag (Woensdag, 10 September):

• Kevin Paul (goue medalje vir die 100 m-borsslag en 'n nuwe wêreldrekord)
• Philippa Johnson (tweede goue medalje vir dressuur)
• David Roos (silwer in verspring)
• Gavin Kilpatrick (brons vir fietsry)
• Fanie Lombard (brons vir gewigstoot)

Vyfde dag (Donderdag, 11 September):

• Natalie du Toit (derde goue medalje vir wisselslag en 'n wêreldrekord)

Sesde dag (Vrydag, 12 September):

• Natalie du Toit (vierde goue medalje vir 400 m-vryslag en 'n nuwe Paralimpiese rekord)
• Fanie van der Merwe (goud vir atletiek en 'n nuwe Paralimpiese rekord)
• Hilton Langenhoven (goud vir atletiek)
• Tadhg Slattery (brons vir swem)

Sewende dag (Saterdag, 13 September):

• Oscar Pistorius (tweede goud vir 200 m-naelloop)
• Hilton Langenhoven (goud vir verspring)
• Shireen Sapiro (goud vir 100 m-rugslag)
• Riaan Nel (silwer vir fietsry)
• Tebogo Mokgalagadi (brons in 100 m-naelloop)

Agtste dag (Sondag, 14 September):

• Natalie du Toit (vyfde goue medalje vir 50 m-vryslag)
• Ernst van Dyk (goud vir fietsry)

Negende dag (Maandag, 15 September):

• Geen.

Tiende dag (Dinsdag, 16 September):

• Fanie van der Merwe (goud)
• Fanie Lombard (goud)
• Oscar Pistorius (goud)
• Hylton Langenhoven (goud)
• Ilse Hayes (silwer)

Laaste dag (17 September):

• Ernst van Dyk (brons vir atletiek)

In totaal verdien Suid-Afrika 30 medaljes (21 goud, 3 silwer en 6 brons) en eindig in die sesde plek. Hoewel Suid-Afrika 5 minder medaljes as in 2004 verower het, stoot die verhouding van goud tot die totale aantal medaljes SA op van 'n 13de na die 6de posisie op die wêreldranglys.

Die hoofartikel vir hierdie afdeling is: Paralimpiese Somerspele 2008 medaljes.

Hier is die voorste tien lande wat medaljes tydens die Spele verower het.

Plek	Land	Deelnemers	Goud	Silwer	Brons	Totaal
1	Volksrepubliek China (CHN)	332	89	70	52	211
2	Verenigde Koninkryk (GBR)	212	42	29	31	102
3	Verenigde State (USA)	213	36	35	28	99
4	Oekraïne (UKR)	78	24	18	32	74
5	Australië (AUS)	167	23	29	27	79
6	Suid-Afrika (RSA)	–	21	3	6	30
7	Kanada (CAN)	143	19	10	21	50
8	Rusland (RUS)	–	18	23	22	63
9	Brasilië (BRA)	188	16	14	17	47
10	Spanje (ESP)	133	15	21	22	58

• Paralimpiese Winterspele 2022 in Beijing

• Wiki Afrikaans  Wiki Commons het meer media in die kategorie Paralimpiese Somerspele 2008.
• (en) Beijing 2008 Paralympic.org. Internasionale Paralimpiese Komitee.

	Paralimpiese Spele
Somerspele: Rome 1960 • Tokio 1964 • Tel Aviv 1968 • Heidelberg 1972 • Toronto 1976 • Arnhem 1980 • New York & Stoke Mandeville 1984 • Seoel 1988 • Barcelona 1992 • Atlanta 1996 • Sydney 2000 • Athene 2004 • Beijing 2008 • Londen 2012 • Rio de Janeiro 2016 • Tokio 2020 • Parys 2024 • Los Angeles 2028 • Brisbane 2032 Winterspele: Örnsköldsvik 1976 • Geilo 1980 • Innsbruck 1984 • Innsbruck 1988 • Tignes-Albertville 1992 • Lillehammer 1994 • Nagano 1998 • Salt Lake City 2002 • Turyn 2006 • Vancouver 2010 • Sotsji 2014 • Pyeongchang 2018 • Beijing 2022 • Milaan/Cortina 2026 Internasionale Paralimpiese Komitee – Nasionale Paralimpiese Komitee