Papoeas
Die term Papoeas verwys na die nie-Austronesiese en nie-Australiese tale wat deur sowat 4 miljoen mense gepraat word op die eiland Nieu-Guinee in die weste van die Stille Oseaan, asook op naburige eilande.
Dit is ’n streng geografiese groepering en dui nie op enige verwantskap nie. Die begrip "Papoeavolke" as apart van Austronesiessprekende Melanesiërs, is in 1892 die eerste keer deur die Britse linguis Sidney Herbert Ray genoem.
Nieu-Guinee is die streek met die meeste tale ter wêreld. Benewens die Austronesiese tale is daar sowat 800 tale wat in omtrent 60 klein taalfamilies ingedeel word, met ’n onduidelike verband tussen mekaar en met enige ander tale, asook baie geïsoleerde tale. Die meeste Papoeastale word op Nieu-Guinee gepraat; ander word op die Bismarckargipel, die eiland Bougainville en die Salomonseilande in die ooste en op Halmahera, Timor en die Alor-argipel in die weste aangetref. Een Papoeastaal, Meriam, word in die nasionale grense van Australië gepraat, in die oostelike Torresstraat. Die enigste tale met amptelike erkenning is dié van Oos-Timor.
Verskeie ander tale van die eilande van Oos-Indonesië word as Austronesiese tale geklassifiseer, maar het talle nie-Austronesiese woorde en grammatika. Daar is al voorgestel hulle was aanvanklik nie-Austronesiese tale wat feitlik hulle hele woordeskat aan die naburige Austronesiese tale ontleen het, maar geen verband is gevind met die Papoeastale van Timor nie.
Verwysings
Verdere leesstof
- Carrington, Lois (1996). A linguistic bibliography of the New Guinea area. Canberra: Australian National University. ISBN 978-0-85883-449-1. OCLC 41223774.
- Foley, William A. (1986). The Papuan Languages of New Guinea. Cambridge: Cambridge University Press. ISBN 0-521-28621-2. OCLC 13004531.
- Pawley, Andrew; Robert Attenborough; Robin Hide; Jack Golson, reds. (2005). Papuan pasts: cultural, linguistic and biological histories of Papuan-speaking peoples. Canberra: Pacific Linguistics. ISBN 0-85883-562-2. OCLC 67292782.
Eksterne skakels
- (en) "Papuan languages". Encyclopædia Britannica. Besoek op 3 April 2020.
- TransNewGuinea.org – databasis van die tale van Nieu-Guinee (deur Simon Greenhill)
- 2003-bibliografie van tale (Papoeas en Austronesies) van Indonesiese Papoea
- SIL International – Papoeas en Austronesies van Papoea-Nieu-Guinee Geargiveer 7 Julie 2010 op Wayback Machine
- Wiki Afrikaans
Wiki Commons het meer media in die kategorie Papoeas.
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Papoeas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.