Otomangue

Hulle word oorwegend in die hedendaagse Meksiko gepraat, maar was voorheen oor groot dele van Meso- en Sentraal-Amerika, waarvan veral Costa Rica, Honduras en Nicaragua, versprei.

Otomangue
Geografiese verspreiding:	Hedendaagse Meksiko, voorheen Meso- en Sentraal-Amerika
Genetiese klassifikasie:	Amerikaans  Otomangue
Onderafdelings:	Oto-Pame Chinantekaans Supanekaans Mangue (†) Popolokaans Zapoteeks Amuzgo Mixteeks
Oorspronklike verspreiding van Otomangue

Otomangue is na die Oto-Pame-tale, die noordwestelikste tak, en die nou uitgestorwe Mangue-tale, die suidelikste tak in Costa Rica, genoem. Otomangue bestaan uit 8 hooftakke, waarvan Mangue net uitgestorwe tale bevat. Soms word Otomangue in twee hooftakke verdeel, naamlik Wes-Otomangue en Oos-Otomangue.

Otomangue is een van die grootste taalfamilie van die Amerikas volgens aantal sprekers, tale en geografiese verspreiding. Otomangue behoort tot die Meso-Amerikaanse taalgebied, saam met die Majatale, Totonaks-Tepehua, Uto-Asteekse tale, Mixe-Zoque asook geïsoleerde en ongeklassifiseerde tale.

Die grootste tale (volgens moedertaalsprekers) is: Mixteeks (480 000) en Zapoteeks (450 000). Albei behoort tot Meksiko se mees gebruikte inheemse tale net na Nahuatl en Majaans.

• Inheemse tale van die Amerikas

• (es) Fernández de Miranda, Mariá Teresa; Roberto J. Weitlaner (1961). Sobre Algunas Relaciones de la Familia Mangue. pp. 1–99.
• (en) Sicoli, Mark A. (2005). "Oto-Manguean languages". In Philipp Strazny (red.). Encyclopedia of Linguistics. New York: Fitzroy Dearborn. pp. 797–800.

• (en) "Ethnologue: Languages of the World, Seventeenth edition, Otomanguean". Ethnologue. Besoek op 17 November 2018.
• (en) "Otomanguean languages". Encyclopædia Britannica. Besoek op 17 November 2018.