Oscar Mabuyane
Lubabalo Oscar Mabuyane (gebore 24 Februarie 1974) is 'n Suid-Afrikaanse ekonoom en politikus wat die huidige premier van die Oos-Kaap is.
Hy is in Mei 2019 as premier verkies, en is ook 'n lid van die Oos-Kaapse Provinsiale Wetgewer. Van 2018 tot 2019 het hy as die provinsie se LUR vir finansies en ekonomiese geleenthede gedien. Mabuyane is 'n lid van die African National Congress (ANC) en die party se provinsiale voorsitter.
| Oscar Mabuyane | |
| Ampsbekleër | |
| Termynaanvang 22 Mei 2019 | |
| Voorafgegaan deur | Phumulo Masualle |
|---|---|
Lid van die Oos-Kaapse Provinsiale Wetgewer | |
| Ampsbekleër | |
| Termynaanvang 19 Februarie 2018 | |
Provinsiale voorsitter van die African National Congress | |
| Ampsbekleër | |
| Termynaanvang 1 Oktober 2017 | |
| Vise | Mlungisa Mvoko |
| Voorafgegaan deur | Phumulo Masualle |
Persoonlike besonderhede | |
| Gebore | Lubabalo Oscar Mabuyane 24 Februarie 1974 Engcobo, Transkei, Suid-Afrika |
| Nasionaliteit | Sjabloon:Landdata Suid-Afrikaner |
| Politieke party | African National Congress |
| Eggenoot/-note | Siyasanga |
| Kind(ers) | 3 |
| Alma mater | Universiteit van Fort Hare |
Vroeë lewe en opvoeding
Mabuyane is op 24 Februarie 1974 in Engcobo in die noordooste van die destydse Kaapprovinsie gebore. Hy het aan die Hoërskool Lekoa Shandu in Sharpeville in die Transvaal gematrikuleer. Hierna het hy aan die Universiteit van Fort Hare gestudeer en 'n BCom in ekonomie behaal. Hy is tans besig met sy meestersgraad in openbare administrasie by dieselfde universiteit.
Mabuyane het van 2002 tot 2005 in die kantoor van die destydse LUR Enoch Godongwana gewerk. In 2005 is hy as 'n besturende direkteur by Ikamva Consulting aangestel.
Politieke loopbaan
Mabuyane was 'n lid van beide die South African Students’ Congress (SASCO) en ANC-jeugliga (ANCYL) en het senior posisies in beide organisasies beklee. In Oktober 2017 is hy as die provinsiale voorsitter van die African National Congress verkies. Hy het die huidige voorsitter Phumulo Masualle uitgestof met 'n verrassende wen van 931 teen Masualle se 7 stemme.
In Februarie 2018 is hy as lid van die Oos-Kaapse provinsiale wetgewer ingehuldig. Hy is toe as LUR van finansies en ekonomiese geleenthede in Mei 2018 aangestel. Na die algemene verkiesing van 2019 het die nasionale ANC hom as die nuwe provinsiale premier aangewys. Hy het die amp op 22 Mei 2019 aanvaar.
Verwysings
Eksterne skakels
- Oscar Mabuyane. People's Assembly. Besoek op 2 Junie 2020.
This article uses material from the Wikipedia Afrikaans article Oscar Mabuyane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.