Orrorin
Orrorin tugenensis is ’n veronderstelde vroeë spesie van Homininae wat sowat 6,1 tot 5,7 miljoen jaar gelede geleef het en in 2000 ontdek is.
Daar is nog nie vasgestel hoe Orrorin aan die mens verwant is nie. Die ontdekking daarvan het gelei tot die vermoede dat Australopithecus nie ’n voorsaat van die mens is nie, hoewel dit steeds die mees aanvaarde teorie van menslike evolusie is.
| Orrorin tugenensis | |
|---|---|
 | |
| Orrorin tugenensis-fossiele | |
| Die distale vingerbeen van die duim. | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | †Orrorin (Senut et al., 2001) |
| Spesie: | †O. tugenensis |
| Binomiale naam | |
| †Orrorin tugenensis (Senut et al., 2001) | |
Die naam van die genus, Orrorin (meervoud Orroriek), beteken "oorspronklike mens" in die taal Tugen en die naam van die enigste geklassifiseerde spesie, O. tugenensis, is afgelei van die Tugenheuwels in Kenia, waar die eerste fossiele in 2000 ontdek is.
Fossiele
Die 20 fossiele wat tot dusver ontdek is, sluit in twee dele van ’n kakebeen, ’n paar tande, drie stukke dybeen, ’n deel van ’n boarmbeen en ’n distale vingerbeen van ’n duim. Orrorin het klein tande gehad in vergelyking met die res van sy liggaam, soos by die moderne mens. Sy gebit verskil van dié van Australopithecus en Ardipithecus.
Dit lyk of Orrorin op twee bene geloop het, maar hulle het waarskynlik ook boom geklim. Terwyl die proksimale vingerbeen gekrom was, stem die distale vingerbeen van die duim met die mens s’n ooreen. Dit kan in dié geval daarop dui dat dit hulle gehelp het om boom te klim en nie, soos gewoonlik, dat hulle gereedskap gemaak het nie.
Klassifikasie
As bewys kan word dat Orrorin ’n direkte voorsaat van die mens was, kan Australopithecus-spesies soos Australopithecus afarensis ("Lucy") beskou word as ’n sytak van die hominied-stamboom: Orrorin is beide ouer (amper 3 miljoen jaar) en stem meer ooreen met die moderne mens as A. afarensis. Veral die Orrorin se dybeen is meer soos die mens s’n as wat "Lucy" s’n is, maar dit is ietwat van ’n twispunt.
Verwysings
Eksterne skakels
- Orrorin tugenensis – Smithsonian
- Wiki Afrikaans
Wiki Commons het meer media in die kategorie Orrorin. - Wiki Afrikaans
Wikispecies het meer inligting verwant aan Orrorin 
Hierdie artikel is vertaal uit die Engelse Wiki
This article uses material from the Wikipedia Afrikaans article Orrorin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.