Die Oos-Kaapse rooivlerkie (Pseudobarbus afer) is 'n varswatervis wat voorkom in die kusriviere tussen Mosselbaai en Algoabaai.
In Engels staan die vis bekend as die Eastern cape redfin.
Oos-Kaapse rooivlerkie | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Genus: | |
Spesie: | P. afer |
Binomiale naam | |
Pseudobarbus afer (W. K. H. Peters, 1864) |
Die vis het 'n enkel paar baarde om die bek. Broeiende mannetjies het groot koniese tuberkels op die kop - gewoonlik 3-4 weerskante van die snoet en die vinne word rooierig. Die vis is olyfbruin aan die bokant en silwer of romerig wit aan die onderkant. Die kieuedeksels is goudbruin en daar is 'n horisontale, nou, donker band oor die lyf en daar is onreëlmatige kolletjies voor die dorsale vin. Die vis word tot 110 mm lank.
Die vis leef in helder rotspoele. Die onvolwasse en jong vissies leef in skole saam en die volwasse visse in klein groepies saam. Hulle is omnivore en vreet hoofsaaklik bodemalge en klein ongewerweldes. Hulle broei in die somer. Baars is 'n bedreiging vir die vis.
This article uses material from the Wikipedia Afrikaans article Oos-Kaapse rooivlerkie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.