Die oog is 'n area van meestal kalm weer wat in die middel van 'n sterk tropiese sikloon gevind kan word.
Die oog van die storm is gewoonlik rond en tipies 30–65 km in deursnit. Dit word deur die oogmuur omring, waar die stormagtigste weer van die sikloon plaasvind. Die sikloon se laagste barometiese druk vind binne-in die oog plaas en kan tot 15% laer as die atmosferiese druk buite die storm wees. Die afstand tussen die middelpunt van die oog en die oogmuur bepaal die radius van maksimum wind vir 'n tropiese sikloon.
Die oog is moontlik die herkenbaarste eienskap van 'n tropiese sikloon. Die oog word omring deur die oogmuur, 'n ring van toringhoë donderstorms, en is 'n ronde area in die middel van die sikloon se omloop. In sterk tropiese siklone word die oog gekarakteriseer deur ligte winde en helder lug en aan alle kante omring deur 'n uiters hoë, simmetriese oogmuur. In swakker tropiese siklone is die oog nie so helder afgebaken nie en kan deur die sentrale digte bewolking bedek word; 'n area van hoë, digte wolke wat helder vertoon op satellietfoto's. Swakker of minder-georganiseerde storms kan ook 'n oogmuur hê wat nie die oog heeltemal omring nie, of 'n oog waarin daar baie gereën word. Die oog is egter in alle storms die plek van die storm se minimum barometiese druk: die area waar die atmosferiese druk by seëvlak die laagste is.
This article uses material from the Wikipedia Afrikaans article Oog (meteorologie), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.