Okavango-Kurper: Vis spesie
Die Okavango-kurper (Tilapia ruweti) is 'n varswatervis wat in die Okavangodelta, die boonste gedeelte van die Zambezirivier en suidelike sytakke van die Kongorivier voorkom.
In Engels staan die vis bekend as die Okavango tilapia.
| Okavango-kurper | |
|---|---|
 | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Cichliformes |
| Familie: | Cichlidae |
| Genus: | Tilapia |
| Spesie: | T. ruweti |
| Binomiale naam | |
| Tilapia ruweti (Poll & Thys van den Audenaerde, 1965) | |
Voorkoms
Die vis se kleur wissel; die lyf is olyf of helder blinkgroen met 8-9 vertikale olyf-ligpers strepe oor die lyf. Die kop is blinkgroen en blou (ligpers by broeiende mannetjies). Die vinne is ligpers of gelerig en die anale- en stertvinne is bedek met kolletjies. Die dorsale vin se rand het drie kleure: blou, wit en rooi. Broeiende wyfies word donker groenswart. Die vis word tot 104 mm lank.
Habitat
Die vis leef in moerasse en vloedvlaktes wat redelike plantegroei bevat. Hulle vreet detritus, sagte plantegroei en inseklarwes. Die mannetjie is gebiedsgebonde en lok wyfies na sy area. Die wyfies maak 'n pieringvormige nes waarin die eiers gelê en bevrug word. Die wyfie versorg die larwes terwyl die mannetjie die area bewaak.
Sien ook
Verwysings
Bron
- Skelton, Paul: A Complete Guide to the FRESHWATER FISHES of Southern Africa.. 2001. ISBN 978-1-86872-643-1
Eksterne skakel
This article uses material from the Wikipedia Afrikaans article Okavango-kurper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.