Ohio-Klas Duikboot: Amerikaanse duikbootklas

Dit is tans die enigste sodanige klas in die Amerikaanse Vloot nadat hulle die Benjamin Franklin- en Lafayette-klasse vervang het. Hierdie klas is ook bekend as Trident-duikbote omrede hulle almal Tridentmissiele dra. Hierdie klas was ontwikkel as 'n afskrikmiddel teen die Sowjetunie tydens die Koue Oorlog.

 

Daar is agttien duikbote in die klas gebou waarvan tien aan die Atlantiese Vloot toegeken is en was aanvanklik toegerus met D-5 Trident II missiele. Die ander agt duikbote was toegerus met die C-4 Trident I missiele. Die klas is ook meer vaartbelyn wat beteken dat dit stiller sowel as vinnger onder water was, 'n spoed van 25 knope kan bereik word dieper as 243.8 m. Die vorige klasse ballistiese missiel duikbote kon 16-missiele dra terwyl die Ohio-klas 24 kan dra. Dit beteken dat die Ohio-klas amper die helfte van Amerika se kernplofkoppe tussen hulle gedra het.

Die Ohio-klas was ontwerp om so lank as moontlik ter see te wees. Van die doelwitte was dat die duikbote 66% van hulle dienssiklus ter see sal wees en dit sluit opgraderings tydperke van twaalf maande elke nege jaar in. Die standaard patrollie tyd was 70 dae wat gevolg is deur 25 dae in die basis vir instandhouding, aanvuling van proviand en om die bemannings te ruil.

Die laaste duikboot in die klas wat in diens gestel is, is die USS Louisiana en wel in 1997.

• USS George Washington (SSBN-598)

• The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2