Oesbeke

Hierdie artikel handel oor die etniese groep. Vir die taal, sien Oesbekies.

Hulle vorm die titulêre nasie van Oesbekistan, waar hulle sowat 80% van dié land se bevolking uitmaak, en praat Oesbekies, 'n Turkse taal, as moedertaal.

Oesbeke
Totale bevolking:	ca. 30 miljoen
Belangrike bevolkings  in:	Oesbekistan ~24 miljoen  Afghanistan 2,8 miljoen  Tadjikistan 1,2 miljoen  Kirgisië 980 000  Rusland 499 862  Kasakstan 490 000  Saoedi-Arabië 300 000  Turkmenistan 260 000  Australië 80 000  Pakistan 70 133  Turkye 45 000  Oekraïne 22 400  Verenigde State 15 960  Volksrepubliek China 14 800  Mongolië 560
Taal:	Oesbekies
Geloofsoortuiging:	Hoofsaaklik Islam (Soenniete of Kulturele Islam), minderhede van ongebondes. Histories Tengriisme
Verwante etniese groepe:	Ander Turkse volke soos Azerbeidjanners, Basjkiriërs, Gagaoesiërs, Karakalpakke, Kasakke, Kirgisiërs, Oeigoere, Tartare, Tsjoewasjiërs, Turke en Turkmene

Naas Oesbeke leef nog klein minderhede soos Russe (5,5%), Tadjiks (5%), Kasakke (3%), Karakalpakke (2,5%), Tartare (1,5%) en ander (7%) in Oesbekistan. Oesbekiese minderhede leef in lande soos Afghanistan (9%), Tadjikistan (14%), Kirgisië (14%), Rusland, Kasakstan (2,5%), Saoedi-Arabië, Turkmenistan (6%), Pakistan, Turkye en die Volksrepubliek China.

Wêreldwyd leef omtrent 30 miljoen Oesbeke, waarvan sowat 24 miljoen in Oesbekistan, 2,8 miljoen in Afghanistan, 1,2 miljoen in Tadjikistan en byna 1 miljoen in Kirgisië. In die Volksrepubliek China behoort die Oesbeke tot een van die 56 amptelik erkende etniese groepe ("nasionaliteite"). Hulle leef veral in die Wes-Chinese outonome gewes van Xinjiang saam met ander verwante etniese groepe soos Oeigoere, Kasakke en Kirgisiërs.

• Wiki Afrikaans  Wiki Commons het meer media in die kategorie Oesbeke.
• (en) "Uzbek". Encyclopædia Britannica. Besoek op 25 Januarie 2019.