Nyx
Nyx, soms ook Nuuks, is in die Griekse mitologie die oergodin van die nag.
Sy was deel van die skepping van die aarde en was die moeder van ’n paar verpersoonlikende gode soos Hipnos (slaap) en Tanatos (die dood). Sy kom selde in die mites voor, maar was duidelik baie magtig en beeldskoon.
| Nyx | |
|---|---|
| Griekse oergodin | |
_-_La_Nuit_(1883).jpg) Nyx, godin van die nag: La Nuit, deur William-Adolphe Bouguereau, 1883. | |
| Naam | Nyx |
| Godin van | Die nag |
| Man | Erebos |
| Ouer | Chaos |
| Broers, susters | Erebos, Eros, Gaia, Tartaros |
| Kinders | O.a Eter, Hemera, Momus, Ponos, Moros, Tanatos, Hipnos, die skikgodinne en Eris. |
Rol in mites
Hesiodos
In Hesiodos se Teogonia is Nyx gebore uit Chaos; sy het baie kinders en hul name is veelseggend. Saam met Erebos, die god van skadu's en donkerte, verwek sy onder andere Eter (atmosfeer) en Hemera (dag). Later, op haar eie, verwek sy Momus (blaam), Ponos (werk), Moros (noodlot), Tanatos (die dood), Hipnos (slaap), Charon (aan die stuur van die veerboot na Hades), die Oneiroi (drome), die Hesperiede, die Keres en die skikgodinne, Nemesis (vergelding), Apate (misleiding), Filotes (vriendskap), Geras (ouderdom) en Eris (onmin).
In sy beskrywing van Tartaros sê Hesiodos dat Hemera (dag), Nyx se dogter, Tartaros verlaat het nes Nyx dit binnegegaan het; wanneer Hemera teruggekeer het, is Nyx daar weg (dus die wisselwerking tussen dag en nag).
Homeros
In Boek 14 van Homeros se Ilias is daar ’n aanhaling van Hipnos, die god van slaap, waarin hy Hera herinner aan ’n guns wat hy haar bewys het toe hy Zeus aan die slaap laat raak het. Hy het dit voorheen ook al gedoen en Hera só in staat gestel om groot ongeluk oor Herakles te bring. Zeus was woedend en sou Hipnos in die see gewerp het, maar dié het na sy ma, Nyx, gevlug. Zeus was bang vir haar en het sy woede beteuel – en so het Hipnos Zeus se wraak vrygespring. Wanneer hy daarna met Zeus te doen gekry het, het hy telkens na sy ma gevlug.
Kinders van Nyx
- Deur maagdelike voortplanting
- By Uranos
- Lussa
- By Kerberos
- Die helhonde
Verwysings
- Hierdie artikel is merendeels vertaal uit die Engelse Wikipedia-artikel en:Nyx
Eksterne skakels
This article uses material from the Wikipedia Afrikaans article Nyx, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.