Nicolas Malan

Ds.

Nicolas Johannes Malan (noemnaam Nico, distrik Northam, Transvaal, 7 Februarie 1921 – 29 Januarie 1998) was tussen 1955 en 1985 predikant in vier gemeentes of kombinasies van die GKSA.

Nico Malan
 Nicolas Johannes Malan
Nico Malan

Naam Nicolas Johannes Malan
Geboorte 7 Februarie 1921
Distrik Northam
Sterfte 1 Mei 1998 (op 77)
Kerkverband Gereformeerd
Gemeente(s) Lydenburg 1955–'63 (in kombinasie met Belfast/Dullstroom 1956–'57), Standerton 1963–'67, Eikenhof 1967–'76, Beestekraal 1976–'85
Jare aktief 1955–'85
Kweekskool Potchefstroom

Herkoms

Toe Nico Malan 13 jaar oud was, is sy vader oorlede. Om sy broers die geleentheid te gee om hulle skoolopleiding te voltooi, is hy in st. 9 uit die skool uit om in 'n winkel te gaan werk. Eers daarna is hy terug om sy matriek te maak. Ná die matrikulasie-eksamen het hy jare lank in die myn as gekwalifiseerde mynlandmeter gewerk om sy twee, jongste broers die geleentheid te gee om hul universitêre loopbaan te voltooi. Eers daarna – op 27-jarige leeftyd – het hy vir predikant gaan studeer.

Opleiding

Nicolas Malan 
Nico Malan staan links op dié foto van die vierdejaars van 1954 van die Teologiese Skool Potchefstroom. Voor (van links): P.C. Kruger, C.J. Malan, J.A. Jooste, N.J. Grobler. Agter (van links): N. Malan en N.J.P. Coetzee.

C.J. Malan, sy klasmaat aan die Teologiese Skool Potchefstroom, skryf in ds. Malan se lewensberig in die Almanak vir die jaar 1999 hy het met buitengewone toewyding studeer. "Toe 'n paar studente by een geleentheid in die dogmatiekklas na sy gevoel te veel vrae gestel het, het Nico vererg opgespring en vir wyle prof. De Klerk gesê: 'Professor, ek het nie van agter die skape af weggegaan om na 'n klomp nikswerd vrae te kom luister nie!' En toe die vraestellers ná die klas Matteus 18 wou toepas om broederlik met Nico te praat, het hy voet by stuk gehou dat hulle sy tyd mors!"

Malan skryf ds. Nico Malan het ’n pragtige humorsin gehad wat mense laat skaterlag het. "Toe hy die laaste maal voor wyle prof. Fanus du Toit en die kuratore moes verskyn om in Ou-Testamentiese eksegese geëksamineer te word, het die professor simpatiek gevra: 'Is jou verstand helder vir die eksegese?' Waarop Nico spitsvondig geantwoord het: 'Nee, professor. Dis alles "tohoe wabohoe" (Gen. 1:2 - woes en leeg) in my kop.' Prof. Du Toit het so gelag dat hulle die eksamen eers 'n rukkie moes verdaag." Met hierdie selfde humorsin het hy mense wat bedruk was, opgebeur.

Gemeentebediening

Nicolas Malan 
Die hoeksteen van die Gereformeerde kerk Lydenburg wat ds. Malan op 24 Februarie 1962 gelê het.
Nicolas Malan 
Malan, sy vrou, Hinde, en hul dogters, Francine en Nicolene.

Malan het agtereenvolgens die volgende gemeentes bedien: Lydenburg (1955-'63; van 1956 tot 1957 in kombinasie met Belfast en Dullstroom), Standerton (1963–'67), Eikenhof (1967–'76) en Beestekraal (1976–'85). Met dieselfde toewyding waarmee hy studeer het, het hy as herder en leraar in die gemeentes gewerk. C.J. Malan skryf: "Die Heilige Gees het aan hom besondere gawes gegee waarmee hy onbaatsugtig God en medemens gedien het."

Prop. Malan is op 12 Desember 1953 met Hinde Solowitz uit die distrik Boshof getroud, na wie hy as "my Jodin" verwys het. "Sy was die hulp wat so wonderlik by hom gepas het, hom besiel en ondersteun het." Uit die huwelik is twee dogters gebore: Nicolene, wat ten tyde van sy dood as staatsadvokaat gepraktiseer het en wat ook met 'n advokaat (Müller) getroud is en Francine, wat 'n senior dosent aan die Universiteit van Pretoria was.

Aftrede

Ná sy emeritering in 1985 het hy weer sy werk as landmeter en geoloog beoefen deur, as stokperdjie, water aan te wys. Dit het ure van plesier vir hom meegebring. C.J. Malan skryf: "En was hy nie bly as die boere water gekry het nie! Maar sy vrou en kinders het nie onder die stokperdjie gely nie! Inteendeel, in al die jare was Nico 'n gesinsman, wat vir sy vrou en kinders voortreflik gesorg het."

Bronne

  • (af) Malan, ds. C.J. in Van der Walt, dr. S.J. et al. 1998. Die Almanak van die Gereformeerde Kerke in Suid-Afrika vir die jaar 1999. Potchefstroom: Administratiewe Buro.

Tags:

Nicolas Malan HerkomsNicolas Malan OpleidingNicolas Malan GemeentebedieningNicolas Malan AftredeNicolas Malan BronneNicolas Malan1921199829 Januarie7 FebruarieGereformeerde Kerke in Suid-AfrikaNorthamTransvaal

🔥 Trending searches on Wiki Afrikaans:

NylrivierKhoikhoiGodsdiens in Suid-AfrikaHartseerVoegwoordMenseregteMelktertAbstraksie (rekenaarwetenskap)Kasteel die Goeie HoopPoësieEl NiñoDoopMangelontstekingGholfKoppeltekenProteïenBiologieMenslike skeletEkonomiese kwessies in Suid-AfrikaLys van nedersettings in Suid-AfrikaIronieMuscat Internasionale LughaweFamilie (verwantskap)KweekhuiseffekTelefoonSlangHandwoordeboek van die Afrikaanse TaalProteaBestuiwingGeslagsgelykheidMuilVoortplantingGianna MichaelsTelwoordSuikersiekteGeskiedenis (vakgebied)Afleiding (taalkunde)Helm (geboorte)WerkVerenigde State van AmerikaNederlandLongontstekingVratBoesmanDie BylPornhubAnale seksProstaatkankerNAVOVoedselverwerkingWitrenosterSpesieMotiveringSonkragAnneli van RooyenWêrelderfenisgebiede in Suid-AfrikaSwamVergelykings (taalkunde)Lovedale, Oos-KaapGroot TrekAssimilasie (taalkunde)PoesJacques LootsKoorsHartversakingAlice, Oos-KaapBeenbreuke en ontwrigtingsIslamAntoniemStuifmeelPampoentjiesLanseria-lughaweHormoonHondeklipbaaiGroot vyf🡆 More