Die Kunstekaap-teatersentrum, algemeen bekend as die Kunstekaap, is ’n kompleks vir die uitvoerende kunste naby die Strandgebied in Kaapstad.
Dit is in 1971 geopen as die Nico Malan-teatersentrum met die ballet Sylvia.
Die kompleks sluit in:
Die Kaaplandse Raad vir die Uitvoerende Kunste (Kruik) is in die vroeë 1960's gestig om die uitvoerende kunste in die Kaap te bevorder. Die verskillende streekrade in die land het subsidies van die staat ontvang om optredes aan te bied en teatergeriewe te bedryf. Kruik het deur die provinsie getoer met vier geselskappe: orkes, opera, ballet en drama.
In 1971 is die Nico Malan-teatersentrum geopen as die basis van Kruik se geselskappe. Die projek is deur die Nasionale Party-administrateur van die Kaapprovinsie, dr. Johannes Nicholas Malan, begin.
Sedert 1994 moes die streekrade se verskillende geselskappe onafhanklik word. Kruik en die Nico Malan het in dié tyd swaar gedra aan hul politieke bagasie. Die sentrum is in Maart 2001 hernoem na die Kunstekaap-teatersentrum, toe Kruik vervang is met die Kunstekaap-geselskap.
Die geselskap ontwikkel, mentor en bewaar Suid-Afrikaanse inheemse gebruike deur die kunste. Dit bied platforms vir die kunsvorms, kulture en tale vir voorheen benadeelde gemeenskappe. ’n Program om nuwe en gevestigde skrywers te ondersteun, bied jaarliks ’n reeks bedrywighede aan soos werksessies, voorlesings, en volskaalse produksies.
18°25′50″O / 33.92000°S 18.43056°O
This article uses material from the Wikipedia Afrikaans article Kunstekaap-teatersentrum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.