Nico Hülkenberg: Duitse renjaer

Nico Hülkenberg
Hülkenberg by die 2016 Maleisiese Grand Prix
Geboortedatum	19 Augustus 1987 (1987-08-19) (36 jaar oud)
Geboorteplek	Emmerich am Rhein, Wes-Duitsland
Volle naam	Nicolas Hülkenberg
Nasionaliteit	Duitser
Aktiewe jare	2010–tans
Ou span(ne)	Force India-Mercedes Renault F1 Aston Martin F1
Span in 2024	Haas
Motornommer	27
Inskrywings	210 (207 begin)
Kampioenskappe	0
Oorwinnings	0
Podiums	0
Loopbaanpunte	533
Voorste wegspronge	1
Vinnigste rondtes	2
Eerste F1-wedren	2010 Bahreinse Grand Prix
Laaste inskrywing	2024 Japannese Grand Prix
Laaste seisoen	2023
Verlede jaar plek	16de (9 punte)

In 2015 het hy ook aan twee rondtes van die 2015 Wêreldbeker-FIA-uithoukampioenskapseisoen vir Porsche deelgeneem, en wen die 2015 Le Mans 24-uur in sy eerste poging. Hy was die 2009-kampioen in die GP2-reeks, en is 'n vorige kampioen van beide die Formule 3 Euro-reeks en A1 Grand Prix, as deel van A1-span Duitsland. Hy is een van ses jaers sedert 2005 wat die GP2-reeks/Formule 2-kampioenskap in sy debuutseisoen gewen het, die ander is Lewis Hamilton, Nico Rosberg, Charles Leclerc, George Russell en Oscar Piastri.

Hülkenberg het sy knortjordebuut in 1997 gemaak, op die ouderdom van 10. In 2002 was hy Duitse Junior Kartingkampioen en die volgende jaar het hy die Duitse Kartingkampioenskap gewen.

Hülkenberg is voorheen deur Willi Weber bestuur, die jarelange bestuurder van Michael Schumacher. Weber het voorspel dat Hülkenberg teen 2008 gereed sou wees vir Formule Een. Hy het Hülkenberg ook as 'n "ongelooflike talent" geprys en gesê hy herinner hom aan Schumacher as 'n jong jaer. Hy het ook gesê dat hy hom die bynaam "The Hulk" gegee het, na die fiktiewe superheld, met verwysing na Hülkenberg wat sy persoonlikheid verander het terwyl hy aan die stuur was.

Sedert Maart 2022 hou Hülkenberg die rekord vir die meeste Formule Een-loopbaanrenne sonder 'n podiumplek, 'n rekord wat hy gebreek het toe hy nie in sy 129ste ren (die 2017 Singapoerse Grand Prix) kon klaarmaak nie en sodoende Adrian Sutil se vorige rekord van 128 gebreek het; Hülkenberg se rekord staan op 207 Grands Prix. Sedert Julie 2022 hou hy ook die rekord vir die meeste loopbaanpunte sonder 'n enkele renoorwinning, die rekord is behaal nadat die vorige houer, Carlos Sainz jr., die 2022 Britse Grand Prix gewen het.

Hülkenberg het in 2010 vir die Williams-span in Formule Een gejaag. Ten spyte daarvan dat hy die eerste voorwegspringplek vir Williams in meer as vyf jaar behaal het, is hy nie vir 2011 behou nie en het hy by Force India aangesluit as 'n toets- en reserwejaer. Hy is vir die 2012-seisoen bevorder tot 'n rensitplek by die span, en het by Paul di Resta aangesluit. In 2013 het hy vir die Sauber-span gery, met die Mexikaanse jaer Esteban Gutiérrez as sy spanmaat. Hülkenberg het teruggekeer na Force India vir die 2014-seisoen. In Oktober 2016 is bevestig dat hy vir 2017 na Renault sou oorskakel. Hy is vir die 2020 Formule Een-seisoen deur Esteban Ocon vervang.

Hy het in 2020 na Formule Een teruggekeer en vir Racing Point in drie wedrenne gery. Hy het toe weer teruggekeer om Sebastian Vettel by Aston Martin by die eerste twee wedrenne van die 2022-seisoen te vervang, ná Vettel se positiewe COVID-toets. Hy het teruggekeer as 'n voltydse jaer vir die 2023-seisoen vir die Haas F1-span.

^† Kon nie die ren voltooi nie, maar is geklassifiseer omrede hy meer as 90% van die wedrenafstand afgelê het.
* Seisoen nog aan die gang.