Newelrige Skreeubaber: Vis spesie
Die newelrige skreeubaber (Synodontis nebulosus) is 'n varswatervis wat in die middel en onderste gedeelte van die Zambezirivier en die Buzirivier voorkom.
In Engels staan die vis bekend as die Cloudy squeaker - in die Caprivi staan die vis bekend as die skadukolknorvis.
| Newelrige skreeubaber | |
|---|---|
 | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Siluriformes |
| Familie: | Mochokidae |
| Genus: | Synodontis |
| Spesie: | S. nebulosus |
| Binomiale naam | |
| Synodontis nebulosus (Peters, 1852) | |
Voorkoms
Die newelrige skreeubaber se kop is hard, beenagtig en die pantserplate is skerp en driehoekig.
Daar is drie paar baarde teenwoordig; die buitenste paar is nie vertak nie, die binneste twee pare is vertak. Die baarde is almal kort; die buitenste is die langste (kan net so lank as die vinstekels wees) en mag soms ook vertak wees.
Daar is 13 - 24 tande in die onderkaak.
Die rugvin se stekel is net so lank as die kop; die stekel is skerp, sterk en het weerhakkies. Die vetvin is goed ontwikkel. Die stertvin is vlak gevurk maar goed ontwikkel. Die anale vin is goed ontwikkel. Die buikvin is gepaar en goed ontwikkel. Die borsvin is goed ontwikkel en die stekel is net so lank as die kop, rugstekel en langste baard; die stekel is sterk, skerp en vol weerhakkies.
Die newelrige skreeubaber is soos 'n haai gebou en word tot 150 mm lank. Die Zimbabwe-hengelrekord is 0,12 kg.
Sy lyf is olyf tot bruin gekleurd, ligter na onder. Hy het groot skadukolle oor die hele lyf wat ligter op die vinne is en fyner op die kop.
Habitat
Die vis verkies diep stilstaande water met plantegroei. Dit is 'n omnivoor en vreet alles maar behoort aangekeer te word (veral snags) met 'n klein hoekie en 'n stukkie vleis, vis of erdwurm as aas.
Algemeen
Die vis maak 'n knorgeluid as hy gevang word, en hy kan maklik met die grootvlek-skreeubaber verwar word. Let dan op sy baarde wat korter is, sy pantserplaat wat 'n skerp driehoek is en sy dowwe kolle.
Sien ook
Verwysings
Bronne
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengelvisse in die Caprivi. Willem Botha. 1984.
Eksterne skakels
This article uses material from the Wikipedia Afrikaans article Newelrige skreeubaber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.