Netvlies
Die netvlies (ook retina genoem), is die binneste laag van die oog wat kelkievormig van agter na voor tot by die siliêrliggaam strek.
Die retina bestaan uit ligsensitiewe reseptororgaantjies, wat as keëltjies en stafies bekend staan. Die orgaantjies bevat pigmente wat deur lig in chemiese stowwe opgebreek word vir die opwekking van senu-impulse (lig energie word dus omgeskakel na elektriese energie). Die elektriese impulse word dan na die brein gelei vir vertolking. Tydens vertolking word die elektriese impulse omgeskakel in beelde wat dan waargeneem word. Benewens die reseptore, is daar 'n donker gepigmenteerde laag teenaan die choroïed wat verhoed dat die ligstrale weerkaats en versprei (retinale pigmentepiteellaag). Die retina is baie dun en kan net soos nat kladpapier by hantering skeur.
netvlies (retina), reënboogvlies (iris), horingvlies (cornea), geel vlek (macula lutea), oogsenuwee, lens, pupil
This article uses material from the Wikipedia Afrikaans article Netvlies, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.