Nemeïese Spele
Die Nemeïese Spele (Grieks: Νέμεα Nemea) was kompetisies wat elke twee jaar in Nemea in Antieke Griekeland gehou is.
Dit was een van vier pan-Hellenistiese spele en is in die jaar voor of ná die Olimpiese Spele gehou, en twee maande ná die Istmiese Spele. Nes die Olimpiese Spele was dit ter ere van die god Zeus.
Volgens legendes is die spele begin nadat Herakles (Hercules) die Nemeïese leeu verslaan het. ’n Ander rede wat aangevoer word, is dat dit aanvanklik die begrafnisspele was vir die jong seun van ’n koning met die naam Opheltes. Die historiese bronne oor die spele begin in 573 v.C. Die wenners het tradisioneel ’n krans van selderyblare gewen. Lofliedere is ook vir hulle geskryf.
Die program van die spele het ingesluit voetrenne, boks, boogskiet, stoei, diskuswerp, spiesgooi, strydwarenne en musiekkompetisies.
Verwysings
Eksterne skakels
- (de) A. Hoffmann, Nemea: Nemeische Spiele, gottwein.de (1999-2000).
- The Nemean Games, amptelike webtuiste van die vereniging wat hulle beywer vir die herinstelling van die spele.
Hierdie artikel is vertaal uit die Nederlandse Wiki
This article uses material from the Wikipedia Afrikaans article Nemeïese Spele, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.