Die Nederlandse grammatika het baie ooreenkomste met Afrikaans s'n, maar daar is ook belangrike verskille.
Soos in Afrikaans het Nederlands selfstandige en byvoeglike naamwoorde. Anders as Afrikaans het die selfstandige naamwoord 'n woordgeslag en dit het invloed op die verbuiging van die byvoeglike naamwoorde.
Rofweg suidelik van die groot riviere (Maas, Waal en Ryn) word nog drie woordgeslagte onderskei, hoewel die verskil tussen manlik en vroulik ook daar nie baie groot is nie. Noordelik van hierdie lyn kan 'n oorspronklik vroulike woord ook as manlik behandel word en het die taal de facto net twee geslagte, 'n gemeenskaplike en 'n onsydige een. Die lidwoorde toon dié verskil: de en het: de haas, het konijn.
'n Uitsondering is woorde wat eindig op -heid, -teit, -te, -atie, -ing ensomeer wat ook in die noorde gebruik word met die oorspronklik vroulike woord ter: ter gelegenheid, ter herinnering, ter wikifiëring. Hulle word nog as vroulik beskou, ook in die noorde.
Die naamvalstelsel wat Nederlands geërf het van die proto-Indo-Europees en die proto-Germaans waarvan die taal afstam, het omtrent 1500–1600 opgehou om as 'n stelsel te funksioneer en ná 'n lang stryd is in 1946/47 besluit om dit nie langer in die spelling tot uitdrukking te bring nie. Vandag is Nederlands 'n taal sonder naamvalstelsel, maar daar is nog wel baie idiomatiese reste wat gereeld in die taal gebruik word.
Veral die byvoeglike naamwoorde word nog verbuig en dit lyk anders as in Afrikaans, omrede dit van die woordgeslag afhang.
Die byvoeglike naamwoord kan 'n maksimum van 8 vorme hê indien die trappe van vergelyking ook in beskouing geneem word.
vorm | Stellende trap | Vergrotende trap | Oortreffende trap |
---|---|---|---|
onverboë | slecht | slechter | slechtst |
verboë | slechte | slechtere | slechtste |
partitief | slechts | slechters | - |
Die partitief word soos in Afrikaans net na woorde soos iets, niets, wat gebruik
Die onverboë vorme word gebruik:
Die verboë vorme word gebruik:
Merk op dat Nederlands nie soos Afrikaans een toevoeg nie (Dis die sleg een).
Die gebruik van verboë en onverboë vorme ken baie uitsonderings. Indien die byvoeglike en die selfstandige naamwoord 'n vaste kombinasie vorm word die onverboë vorm dikwels gebruik pleks van die verboë een:
In die vergrotende trap word die verbuiging dikwels weggelaat indien anders 'n lang reeks schwa's ontstaan
onderwerp | voorwerp | ||||
---|---|---|---|---|---|
Vol | Swak | Vol | Swak | ||
Enkelvoud | 1ste persoon | ik | ('k) | mij | me |
2de persoon informeel | jij | je | jou | je | |
2de persoon formeel | u | - | u | - | |
2de persoon suidelik | gij | ge | u | - | |
3de persoon | hij zij het | (-ie) ze ('t) | hem haar het | ('m) ('r) ('t) | |
Meervoud | 1ste persoon | wij | we | ons | - |
2de persoon informeel | jullie | - | jullie | - | |
3de persoon | zij | ze | hun/hen | ze |
Vir party persoonlike voornaamwoorde bestaan swak (klitiese) vorme naas volle vorme. In die skryftaal word die swak vorme nie altyd weergegee nie, maar in spreektaal is hulle baie algemeen. Die klitiese vorme kan nie beklemtoon word nie. Die volle vorme kan sowel beklemtoon as onbeklemtoon gebruik word.
Die gij-vorm van die tweede persoon word suidelik van die groot riviere nog algemeen gebruik. Daar is geen teenstelling tussen informeel en formeel nie. In die noorde is dit verouder.
In die skryftaal se voorskrywende grammatika is daar 'n verskil tussen akkusatief 'hen' en datief 'hun', maar dit het kunsmatig ontstaan in die 1630 en dit sou die enigste woord in die taal wees wat akkusatief en datief onderskei. In die spreektaal word die verskil baie min gebruik.
Vir onpersoonlike werkwoorde word die onsydige persoonlike voornaamwoord as onpersoonlike voornaamwoord gebruik:
Kombinasies van voorsetsel + persoonlike voornaamwoord 3de persoon word in die rëel vervang deur 'n voornaamwoordlike bywoord.
Partykeer is dié vervanging verplig, veral in die onsydig enkelvoud.
In die skryftaal se voorskrywende grammatika is pronominale vervanging vir persone nie toegestaan nie, maar in die spreektaal word dit ook daar dikwels gehoor.
Vol | Swak | Selfstandig | ||
---|---|---|---|---|
Enkelvoud | 1ste persoon | mijn | m'n | mijne |
2de persoon informeel | jouw | je | jouwe | |
2de persoon formeel | uw | - | uwe | |
2de persoon suidelik | uw | - | uwe | |
3de persoon | zijn haar (zijn) | (z'n) (d'r) (z'n) | zijne hare (zijne) | |
Meervoud | 1ste persoon | ons/onze | - | onze |
2de persoon | jullie | je | - | |
3de persoon | hun | - | hunne |
Vir die derde persoon word die besitlike voornaamwoord veral vir persone gebruik. Vir dinge word dit dikwels deur 'n voornaamwoordlike bywoord soos ervan vervang.
'Ons' is die enigste besitlike voornaamwoord wat attibutief nog verbuig word. Dit volg die reëls vir die byvoeglike naamwoorde:
In idiomatiese oorblysels van die ou naamvalstelsel kan nog vorme met ander uitgange gesien word, soos in te zijner tijd.
Vol | Swak | Versterk | ||
---|---|---|---|---|
Enkelvoud | 1ste persoon | mij | me | mijzelf, mezelf |
2de persoon informeel | jou | je | jouzelf, jezelf | |
2de persoon formeel | u | - | uzelf | |
2de persoon suidelik | u | - | uzelf | |
3de persoon | zich | - | zichzelf | |
Meervoud | 1ste persoon | ons | - | onszelf |
2de persoon | jullie | je | jezelf | |
3de persoon | zich | - | zichzelf |
Daar bestaan werkwoorde wat altyd wederkerend gebruik word, soos zich vergissen, maar ook werkwoorde wat sowel oorganklik as wederkerend gebuik kan word
Die versterkte vorme word net gebuik vir werkwoorde wat niet verplig wederkerend is nie.
Die vier moontlikhede is nie sinonieme nie, maar die verskille is taamlik subtiel.
In kombinsasie met voorsetsels tree gewoonlik pronominale vervanging op:
Vir persone is dit (voorskrywend) nie toegestaan nie, hoewel dit in die spreektaal wel baie voorkom:
Vir voorsetsels wat nie 'n ooreenkomstige bywoord besit nie soos via, sinds, tijdens, is vervanging onmoontlik en moet die verouderde vorme dewelke, hetwelk gebruik word. Dit word nogtans dikwels vermy:
Die aanwysende voornaamwoorde word beïnvloed deur die taalkundige geslag wat die selfstandige naamwoorde aanneem:
Hierde aanwysende voornaamwoorde word ook dikwels selfstandig gebruik en kan partykeer die persoonlike voornaamwoorde vervang, veral vir de-woorde wat dinge aandui.
Ook vir persone is dit moontlik:
In die Standaardnederlands word 'n vergrotende trap (of ongelykheid) verwys na die woord dan. Na 'n gelykheid volg als, wat afwyk van Afrikaans. Vergelyk Duits, Afrikaans, Nederlands en Engels:
Na 'n gelykheid volg als
Na 'n gelykheid binne 'n ongelykheid volg als. Byvoorbeeld:
In sommige Nederlandse streke en dialekte word als in beide gevalle gebruik: "Hij is groter als ik". Hierdie gebruik word in Standaardnederlands as onjuis beskou. Dit behoort te wees: "Hij is groter dan ik".
Die Nederlandse werkwoord ken vier teenstellings:
Die eerste teenstelling word sinteties, die ander drie analities, dit wil sê met hulpwerkwoorde (hebben, worden, zijn, zullen) weergegee.
(werklik) | toekomstig | ||||
---|---|---|---|---|---|
hede | verlede | hede | verlede | ||
bedrywend | onvoltooi | ik zie | ik zag | ik zal zien | ik zou zien |
voltooi | ik heb gezien | ik had gezien | ik zal gezien hebben | ik zou gezien hebben | |
lydend | onvoltooi | ik word gezien | ik werd gezien | ik zal gezien worden | ik zou gezien worden |
voltooi | ik ben gezien | ik was gezien | ik zal gezien zijn | ik zou gezien zijn |
Dié stelsel verskil van Afrikaans omrede die verlede tyde in Nederlands nog volop gebruik word om aan te toon dat oor die verlede gepraat word. Dit wil ook sê dat 'n Nederlandse voltooid tegenwoordige tijd, soos ik heb gezien net aangee dat die handeling vandag al voltooi is, nie dat dit oor die verlede gaan nie.
Behalwe die hede-verlede teenstelling ken ook die infinitief die kontraste:
(werklik) | toekomstig | ||
---|---|---|---|
bedrywend | onvoltooi | zien | zullen zien |
voltooi | gezien hebben | gezien zullen hebben | |
lydend | onvoltooi | gezien worden | gezien zullen worden |
voltooi | gezien zijn | gezien zullen zijn |
Soos in Afrikaans het Nederlands 'n uitgebreide infinitief met te: te zien, gezien te hebben, gezien te zullen zijn. Die gebruik van om is dikwels nie verpligtend nie.
In Nederlands kan 'n infinitief as 'n onsydige selfstandige naamwoord gebruik word deur die lidwoord het daarvoor te sit.
In die verlede het die naamwoord ook verboë vorme gehad en daar is party reste veral van die genitief (op -s) wat nog gebruik word:
Die stam van die werkwoord word gebruik vir die gebiedende wys. 'n Meervoud op -t het in die 20ste eeu verouder.
Konjunktiefvorme het al in die Middeleeue begin verdwyn en hulle is nou baie seldsaam. Die enkelvoud 3de persoon teenwoordige tyd het -e:
Die teenwoordige tyd het gewoonlik drie vorme: stam, stam+t en stam+en
Die verlede tyd het net twee vorme, enkelvoud en meervoud:
Die verlede tyd en die voltooide deelwoord wat in die analitiese vorme gebruik word kan op verskeie wyse gevorm word. Daar kan onderskei word:
This article uses material from the Wikipedia Afrikaans article Nederlandse grammatika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.