Navajo of Navaho (Diné bizaad, of Naabeehó bizaad , letterlik: taal van die volk) is verreweg die belangrikste inheemse taal noord van Meksiko met sowat 167 300 sprekers.
Navajo word deur die Navajo-Indiane gepraat en behoort tot die Na-Dené-tale.
Navajo Diné bizaad, Naabeehó bizaad | ||
---|---|---|
Uitspraak: | [tìnépìz̥ɑ̀ːt], [nɑ̀ːpèːhópìz̥ɑ̀ːt] | |
Gepraat in: | Verenigde State | |
Totale sprekers: | 167 000 | |
Taalfamilie: | Na-Dené Athabaskies Suid-Athabaskies Navajo | |
Skrifstelsel: | Latynse alfabet | |
Amptelike status | ||
Amptelike taal in: | Navajonasie | |
Gereguleer deur: | Navajo Language Academy | |
Taalkodes | ||
ISO 639-1: | nv | |
ISO 639-2: | nav | |
ISO 639-3: | nav | |
Nota: Hierdie bladsy kan IFA fonetiese simbole in Unicode bevat. |
Navajo gebruik agglutinasie (sameklewing) en het 'n 'n onderwerp-voorwerp-werkwoord-volgorde. Navajo word veral in die Navajonasie, wat oor die vier hedendaagse Amerikaanse deelstate Arizona, Colorado, Nieu-Meksiko en Utah streek, gebesig. Hedendaags is die meeste Navajos tweetalig met Engels as tweede taal. Die Unesco beskou Navajo as 'n bedreigde taal.
Navajo is bekend as een van die moeilikste tale vir nie-moedertaalsprekers om aan te leer en dis hoekom dié taal tydens die Tweede Wêreldoorlog deur die Amerikaanse Gewapende Magte as 'n soort kode vir veilige kommunikasie gebruik is. Vir die Japanse magte was dit onmoontlik om hierdie "kode" te ontsyfer. Bykomend was die voordeel van direkte kommunikasie sonder kodering en dekodering. Die Amerikaners het hiervoor Navajo-Indiane wat tweetalig was met Navajo en Engels ingespan.
This article uses material from the Wikipedia Afrikaans article Navajo (taal), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.