Natalse Bergbaber
Die Natalse bergbaber (Amphilius natalensis) is 'n varswatervis wat voorkom vanaf die oostelike hooglande van Zimbabwe suidwaarts tot by die Umkomaasrivierstelsel in KwaZulu-Natal en die Ruorivier in Mosambiek.
In Engels staan die vis bekend as die Natal mountain catfish.
| Natalse bergbaber | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Günther, 1864 |
| Spesie: | A. natalensis |
| Binomiale naam | |
| Amphilius natalensis | |
Voorkoms
Die vis het 'n lang en slanke lyf. Die stertvin is gevurk en daar is drie pare baarde om die mond. Die kleur van die vis wissel; gewoonlik is dit dof bruin tot bruin met kolle op. Ander kere is die vis bruin tot swart. Die vis word tot 125 mm lank.
Habitat
Die vis leef tussen klippe en rotse in vinnigvloeiende water. Hulle is naglewend en vreet bodem stroom ongewerweldes. Die vis broei in die somer en is 'n prooi vir forelle.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
Eksterne skakel
This article uses material from the Wikipedia Afrikaans article Natalse bergbaber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.