Nancy Sinatra
Nancy Sandra Sinatra (* 8 Junie 1940) is 'n Amerikaanse sangeres en aktrise.
Sy is die oudste van drie kinders wat uit die huwelik van Frank Sinatra en sy eerste vrou Nancy Barbato (1917–2018) gebore is.
Nancy Sinatra | |
|---|---|
.png) Nancy Sinatra in 1966 | |
| Agtergrondinligting | |
| Gebore | 8 Junie 1940 Jersey City, NJ, VSA |
| Genres | Rock, Pop |
| Beroep(e) | Sangeres en aktrise |
| Instrumente | Stem |
| Jare aktief | 1961 – hede |
| Etikette | Reprise Elektra RCA Rhino Sanctuary Raven DCC WEA |
| Assosiasies | Frank Sinatra Lee Hazlewood Frank Sinatra, jr. |
| Webwerf | http://nancysinatra.com |
As sangeres het sy veral met treffers soos These Boots Are Made for Walkin' (1966) en Somethin' Stupid ('n duet wat sy in 1967 saam met haar pa gesing het) bekendheid verwerf. Haar opname van Bang Bang (My Baby Shot Me Down), wat oorspronklik deur Cher gesing is, is vir die openingstoneel van Quentin Tarantino se rolprent Kill Bill gebruik.
Ander gewilde treffers sluit Sugar Town, Summer Wine, How Does That Grab You, Darlin'? en die titellied vir die James Bond-film You Only Live Twice in wat in 1967 ontstaan het.
Nancy Sinatra het haar loopbaan as sangeres en aktrise in die vroeë 1960's begin, maar aanvanklik net in Europa en Japan sukses behaal. Eers met These Boots Are Made for Walkin' het sy 'n transatlantiese nommer 1-treffer behaal. Haar optrede en klerestyl met lang stewels en kort romp is in die 1960's nog as uitdagend beskou, maar het ook 'n ikoniese eienskap van Sinatra geword. Die lied is soos baie ander van haar treffers deur Lee Hazlewood geskryf, wat ook verskeie kere duette met haar gesing het soos in die treffers Some Velvet Morning en Summer Wine. In 1966 en 1967 was altesaam dertien enkelsnitte van Sinatra op internasionale trefferlyste. In 1967 het Nancy Sinatra saam met Elvis Presley in die rolprent Speedway gespeel.
Verwysings
Eksterne skakels
- Wiki-webtuistes
- Wiki Afrikaans
Wiki Commons het meer media in die kategorie Nancy Sinatra.
- Media
This article uses material from the Wikipedia Afrikaans article Nancy Sinatra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.