Die Muskietvis (Gambusia affinis) is 'n varswater vis wat natuurlik voorkom in riviere om die Golf van Meksiko.
Die vis is na Suid-Afrika gebring as natuurlike plaagbeheer in 'n poging om muskiete te beheer in 1936; ook as voedsel vir baars. In Engels staan die vis bekend as die Mosquitofish.
Muskietvis | |
---|---|
Vroulike individu | |
Manlike individu | |
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Subfamilie: | Poeciliinae |
Genus: | Gambusia |
Spesie: | G. affinis |
Binomiale naam | |
Gambusia affinis (S. F. Baird & Girard, 1853) |
Die vis het 'n platterige kop met 'n mond wat opwaarts wys en die stertvin is bolrond. Die mannetjie (35 mm) is kleiner en slanker as die wyfie (60 mm). By die mannetjie is die anale vin verder vorentoe terwyl die wyfie se lyf dieper, ronder en die anale vin korter is. Beide geslagte is deurskynend lig bruin, partykeer is daar 'n klein swart kolle op die lyf en het 'n glinsterende blou skynsel. Die kieue deksel is silwer goud en die onderkant van die vis is silwer. Die vinne is kleurloos en het soms dowwe kolle op.
Die vis leef in stilstaande water wat bedek is met plante. Dit kan water temperatuur veranderinge van 4 - 38 °C weerstaan en kan ook leef in vars sowel as soutwater. Hulle vreet klein lewende organismes soos muskiet en vis larwes. Die eiers word binne die wyfie bevrug en die spesie is ovivivipaar.
This article uses material from the Wikipedia Afrikaans article Muskietvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.