Morsekode is 'n stelsel om letters, nommers, getalle en leestekens deur middel van 'n onderbroke kodesein te stuur.
Dit is deur Samuel Morse en Alfred Vail in 1835 ontwerp.
Die kode was oorspronklik in die 19de eeu gebruik om persoonlike- en nuusboodskappe per draad en later per radio oor lang afstande te stuur en het so die spoed van kommunikasie geweldig verbeter.
Alhoewel morsekode amper heeltemal vervang is deur meer moderne elektroniese kommunikasiemiddels word dit steeds gebruik om sommige tweerigtingradioherhalers en navigasietoerusting te identifiseer. Dit word ook nog heelwat deur radio-amateurs gebruik om met mekaar te kommunikeer. Die SOS-noodroepsein, vir "Save Our Soul", is baie bekend en sommige moderne flitse het 'n ingeboude SOS-sein funksie. Voordele van morsekode is dat, in vergelyking met moderne analoog en digitale uitsendings, dit met baie eenvoudige toerusting gestuur en ontvang kan word en dat boodskappe met relatief min elektriese krag oor lang afstande hoorbaar kan wees.
Morsekode is 'n vroeë vorm van digitale kommunikasie en is opgevolg deur telex, en later faks. Anders as moderne binêre digitale kodes wat slegs twee state gebruik (0 en 1), gebruik Morsekode vyf: kolletjie (·), strepie (–), kort rus (tussen elke letter), medium rus (tussen woorde) en lang rus (tussen sinne).
Letter | Internasionale Kode | Amerikaanse Morse | Letter | Internasionale Kode | Amerikaanse Morse |
---|---|---|---|---|---|
A | · - | · - | N | - · | - · |
B | - · · · | - · · · | O | - - - | - - - |
C | - · - · | · · _ · † | P | · - - · | · · · · · |
D | - · · | - · · | Q | - - · - | · · - · |
E | · | · | R | · - · | · _ · · † |
F | · · - · | · - · | S | · · · | · · |
G | - - · | - - · | T | - | - |
H | · · · · | · · · · | U | · · - | · · - |
I | · · | · · | V | · · · - | · · · - |
J | · - - - | · - · - | W | · - - | · - - |
K | - · - | - · - | X | - · · - | · - · · |
L | · - · · | - - - - | Y | - · - - | · · _ · · † |
M | - - | - - | Z | - - · · | · · · _ · † |
(† Let wel: "_" beteken "spasie" en maak deel van die karakter uit)
Internasionale Amerikaanse morsekode morsekode 0 ----- ----- 1 ·---- ·--· 2 ··--- ··-·· 3 ···-- ···-· 4 ····- ····- 5 ····· --- 6 -···· ······ 7 --··· --·· 8 ---·· -···· 9 ----· -··-
Daar is 'n aantal vertalers op die web wat teks na morsekode kan omskakel, en dit ook deur jou rekenaar kan terugspeel:
This article uses material from the Wikipedia Afrikaans article Morsekode, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.