Montserrat Caballé
Montserrat Caballé (1933-2018) was ’n Spaanse operasangeres en een van die belangrikste soprane van die 20ste eeu.
As sanger het sy 'n wye verskeidenheid rolle vertolk, maar sy word veral met die belcanto-repertoire geassosieer, waarin sy as een van die mooiste moderne eksponente beskou word. Sy het 'n stem met groot omvang en merkwaardige skoonheid, wat sy met haar onberispelike musikaliteit en 'n foutlose tegniek kombineer.
Montserrat Caballé | |
|---|---|
 | |
| Agtergrondinligting | |
| Geboortenaam | María de Montserrat Viviana Concepción Caballé i Folch |
| Gebore | 12 April 1933 Barcelona, Spanje |
| Sterf | 6 Oktober 2018 Barcelona |
| Genres | Opera |
| Beroep(e) | Sangeres |
| Jare aktief | 1956–2018 |
| Webwerf | montserrat-caballe.de |
Lewensloop
Caballé is op 12 April 1933 in Barcelona gebore. Haar ouers het gevrees dat hulle haar voor geboorte sou verloor. Hulle het onderneem om haar na die Montserrat-klooster te vernoem as sy gesond gebore sou word. In 1964 trou sy met Bernabe Marti, met wie sy 'n dogter en 'n seun het. Haar dogter, ook Montserrat genoem, is ook 'n sopraan.
Sy begin haar loopbaan met 'n 12-jare lange studie aan die Teatro Liceu in Barcelona en wen in 1954 die Liceu-goue medalje. Twee jaar later sing sy by die Opera van Basel, waar sy 'n indrukwekkend repertoire opbou, van onder meer Tosca, Aïda, Arabella en Salome.
Caballé het met die Spaanse tenoor, Bernabé Martí, op 14 Augustus 1964 getrou te Santa Maria de Montserrat Abdy.
Tussen 1956 en 1965 sing sy by talle operahuise in Bremen, die Teatro alla Scala (Milaan), Wene en Lissabon. In 1965 word sy in New York bekend toe sy Marilyn Horne tydens 'n konsertuitvoering van Donizetti se "Lucretia Borgia" vervang.
In 1987 het sy op versoek van die Internasionale Olimpiese Komitee die liedjie "Barcelona", in duet saam met Freddie Mercury, die hoofsanger van die Britse rockgroep Queen, opgeneem. Die liedjie is deur Caballé se tuisstad geïnspireer, en is later as een van die twee amptelike temaliedjies van die Olimpiese Spele in 1992 gebruik.
Albums
- Barcelona (1988) met Freddie Mercury
- Friends for life (1997)
- With all my heart (1999)
- Don Carlos (2000) met Plácido Domingo
- Il corsaro (2001) met José Carreras en Jessye Norman
Verwysings
Eksterne skakels
- Amptelike webtuiste
- Barcelona deur Freddie Mercury & Montserrat Caballé op YouTube
- Wiki Afrikaans
Wiki Commons het meer media in die kategorie Montserrat Caballé.
This article uses material from the Wikipedia Afrikaans article Montserrat Caballé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.