Mongane Wally Serote
Mongane Wally Serote (* 8 Mei 1944 in Sophiatown, Johannesburg) is 'n Suid-Afrikaanse digter en skrywer.
Mongane Wally Serote | |
|---|---|
 | |
| Gebore | 8 Mei 1944 |
| Beroep | Digter, romanskrywer en kritikus |
Serote het in Alexandra, Lesotho en Soweto skoolgegaan. In Junie 1969 is hy deur die apartheidregering ingevolge 'n terroristewet gearresteer. Hy was nege maande in aleenopsluiting voordat hy, sonder enige aanklagte teen hom, vrygelaat is.
Hy het die Ingrid Jonkerprys in 1974 gewen en via 'n Fulbright-beurs Skone Kunste aan die Columbia University in New York studeer.
In 1979 het hy na Suid-Afrika terugkeer, waarna hy self tot 1990 in ballingskap na Gaborone, Botswana gegaan het. Hy het hier by die Medu Arts Ensemble gewerk en vriende met die African National Congress gemaak. Hy was van 1983 tot 1986 hoof van die afdeling Kuns en Kultuur en van 1986 tot 1990 Kultuur Ambassadeur vir die Verenigde Koninkryk en Europa.
In Suid-Afrika word hy in 1994 as 'n lid van die parlement vir die ANC verkies. Hy was die hoof van verskeie komitees vir kuns, kultuur, tale, wetenskap en tegnologie.
Serote sy eerste twee versamelings is kenmerkend vir die hernuwing van die swart kultuurlewe in Suid-Afrika. Sy later werk is tipiese lang gedigte, met invloede van Afrika se vertelkuns soos ritme en herhaling.
In Mei 1991 het hy 'n eredoktorsgraad van die Universiteit van Natal ontvang. Saam met talle ander toekennings het hy in 1993 die Noma Award for Publishing in Africa gewen en in 2004 die Pablo Neruda-toekenning.
Tans bly Serote in Pretoria, waar hy hoof is van die ANC se departement vir Kuns en Kultuur en hoof-uitvoerende beampte van Vryheidspark, wat in 2007 geopen is.
Werke
Poësie
- Yakhal'inkomo (1972)
- Tsetlo (1974)
- No baby must weep (1975)
- Behold Mama, Flowers (1978)
- The Night Keeps Winking (1982)
- A tough tale (1987)
- Third world express (1992)
- Come and Hope With Me (1994)
- Freedom Lament and Song (1997)
Romans
- To every Birth its Blood (1981)
- Gods of Our Time (1999)
Verhandelinge
- On the Horizon (1990)
Sien ook
Verwysings
This article uses material from the Wikipedia Afrikaans article Mongane Wally Serote, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.