Moldawiërs

Hierdie artikel handel oor die etniese groep. Vir die taal, sien Moldawies.

Hulle vorm die titulêre nasie van Moldowa en maak volgens die laaste sensus van 2014 omtrent 56,8% van dié land se bevolking uit.

Moldawiërs
Totale bevolking:	ca. 3,4 miljoen
Belangrike bevolkings  in:	Moldowa 2,7 miljoen  Oekraïne 258 619  Rusland 156 400  Italië 142 583  Spanje 17 426  Roemenië 15 000  Kasakstan 14 245  Portugal 13 586  Griekeland 9 920  Kanada 8 050  Verenigde State 7 859  Belarus 3 465  Letland 2 284  Bulgarye 893  Litaue 540  Kirgisië 505  Estland 502  Tadjikistan 157
Taal:	Moldawies/Roemeens
Geloofsoortuiging:	Hoofsaaklik Oosters-Ortodokse Kerk (Roemeens-Ortodokse Kerk of Russies-Ortodokse Kerk)
Verwante etniese groepe:	Ander Romaanse volke soos Franse, Italianers, Katalane, Portugese, Roemene en Spanjaarde

Wêreldwyd leef omtrent 3,4 miljoen Moldawiërs, waarvan sowat 2,7 miljoen in Moldowa. Daarbenewens vorm Moldawiërs belangrike minderhede in Oekraïne met 258 619 en in Rusland met 258 619. Naas Moldawiërs vorm Roemene die grootste etniese minderheid in Moldowa met 675 881 (23,2%), gevolg deur Oekraïners met 221 409 (7,6%), Russe met 159 065 (5,4%), Gagaoesiërs in Gagaoesië met 147 500 (3,9%) en Bulgare met 47 778 (1,7%).

Die term Moldawiërs verwys soms na die hele bevolking van Moldowa of – ongeag van hul etniese identiteit – na dié van die gebied van die voormalige Prinsdom van Moldawië wat tussen Roemenië (47,5%), Moldowa (30,5%) en Oekraïne (22%) opgedeel is.

Moldawiërs word soms as 'n subgroep van die Roemene en soms as 'n eie etniese groep langs ander Romaanse volke soos Franse, Italianers, Katalane, Portugese en Spanjaarde beskou. Hierdie definise hang af van die klassifikasie van hul moedertaal as 'n Roemeense dialek of as 'n selfstandige taal.

• Wiki Afrikaans  Wiki Commons het meer media in die kategorie Moldawiërs.