Mumbai

Met 'n bevolking van 12,5 miljoen in die stadsgebied (volgens die laaste sensus van 2011 en sonder periferiese voorstede) is Mumbai die grootste stedelike nedersetting in Indië en een van die bevolkingrykste metropole ter wêreld. Die Metropolitaanse Gebied van Mumbai (Mumbai Metropolitan Region, MMR) sluit digbevolkte gebiede in die noorde en die stad Thane in, met 'n totale bevolking van 28,4 miljoen.

Mumbai मुंबई
Kaart	Wapen
	Distrikte
Land	Indië
Deelstaat	Maharashtra
Koördinate	18°58′N 72°50′O / 18.967°N 72.833°O / 18.967; 72.833
Stigting	1507
Oppervlakte:
- Totaal	603 vk km
Hoogte bo seevlak	14 m
Bevolking:
- Totaal (2011)	12 442 373
- Bevolkingsdigtheid	21 000/vk km
- Metropolitaanse gebied	18 414 288
Tydsone	UTC+05:30
Burgemeester	Vishwanath Mahadeshwar (Shiv Sena)
Amptelike webwerf	mcgm.gov.in

Die stadsgebied is op die eiland Salsette langs die weskus van Maharashtra geleë. Die historiese middestad is op 'n smal landstrook geleë wat vanuit die moerasgebiede in die Arabiese See strek. Hier word 'n ryk argitektoniese erfenis aangetref met 'n kenmerkende plaaslike variant van historisme. Hierdie boustyl kombineer Britse invloede met 'n Britse interpretasie van die inheemse Mogoel-boukuns.

Mumbai is die ekonomiese spilpunt van Indië asook 'n belangrike vervoerspilpunt. In Mumbai se diep natuurlike hawe word meer as die helfte van Indië se passasiersvervoer hanteer. Die stad is daarnaas 'n eersteerangse kulturele en opvoedkundige sentrum met universiteite, teaters, musea en kunsgalerye.

Naam

 

Die naam Mumbai is afgelei van Mumba of Maha-Amba – die naam van die Koli-godin Mumbadevi – en ai, wat "moeder" in Marathi beteken.

Die naam Mumbai het sy oorsprong in die 16de eeu, toe die Portugese die naam aan die stad gegee het. In die 17de eeu het die Engelse Mumbai beset en dit Bombay (Afrikaans: Bombaai) begin noem omdat dit makliker was om uit te spreek. In 1995 is dit terug verander na Mumbai, soos Indiërs dit nog altyd uitgespreek het.

Mumbai is die enigste Indiese stad wat drie Unesco-wêrelderfenisgebiede huisves: Die Olifantgrotte (1987), die Chhatrapati Shivaji Terminus spoorwegstasie (2004) asook die Victoriaanse en Art Deco-ensemble (2018).

Mumbai beskik met Brabourne-stadion, Wankhedestadion en Bombay Gymkhanaveld oor drie toetskrieketstadions. In die stad speel die Indiese nasionale krieketspan van sy tuiswedstryde. Op die Wankhedestadion is onder andere wedstryde tydens die krieketwêreldbekertoernooie in 1987, 1996, 2011 en 2023, asook die Kampioenetrofee 2006 en die T20I-wêreldbeker 2016, aangebied.

• Wiki Afrikaans  Wiki Commons het meer media in die kategorie Mumbai.
• (en) Toerisme-inligting oor Mumbai op Wikivoyage
• (en) (mr) Amptelike webwerf
• (en) "Mumbai". Encyclopædia Britannica. Besoek op 16 Desember 2021.