Minister
'n Minister is 'n politikus (manlik of vroulik) wat aangestel is/was in 'n sekere kabinet van 'n land se regering.
Die regering van 'n land is gewoonlik die gesamentlike verantwoordelikheid van die president of eerste minister, en 'n groep ministers wat saam die kabinet vorm. Die ministers in die kabinet, gewoonlik die mees bekwame of senior parlementslede, word deur die regering se uitvoerende hoof – die president of eerste minister – gekies en aangestel.
Elke minister is verantwoordelik vir een of meer aspekte van die regering se spektrum, byvoorbeeld gesondheid, onderwys, finansies, landbou, waterwese, polisie en verdediging.
Etimologie
Die woord minister is van Latyn oorgeneem, waar dié woord dienaar beteken. Dit is oorspronklik veral gebruik om huisdienaars aan te dui. Sedert die 10de eeu word dit vir die dienaars, meer spesifiek, die raadgewers van die koning gebruik. Deur die loop van die eeue verwerf die ministers al hoe meer uitvoerende mag, wat tot die huidige betekenis van die woord aanleiding gee.
Sien ook
Eksterne skakels
Wikiwoordeboek het 'n inskrywing vir minister.
This article uses material from the Wikipedia Afrikaans article Minister, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.