Messier 49

Dit is op 19 Februarie 1771 deur Charles Messier ontdek en hy het dit in sy katalogus van komeetagtige voorwerpe opgeneem.

Messier 49
Soort stelsel	Elliptiese sterrestelsel
Sterrebeeld	Maagd
Tipe	E4, LINER
Waarnemingsdata (Epog J2000)
Regte klimming	12h 29m 46,7s
Deklinasie	+08º 00' 02"
Skynmagnitude	9,4
Besonderhede
Afstand (ligjaar)	10,2 miljoen
Skynbare grootte	10,2 × 8,3 boogminute
Rooiverskuiwing	0,003326 ± 0,000022
Ander name	NGC 4472, UGC 7629, PGC 41220, Arp 134
Portaal    Sterrekunde

As ’n elliptiese sterrestelsel het Messier 49 die vorm van ’n radiosein-intensiewe stelsel, maar dit het net die radio-emissies van ’n gewone sterrestelsel. Die kern straal X-strale uit wat dui op die teenwoordigheid van ’n supermassiewe swartkolk met ’n geraamde massa van 5,65 × 10⁸ sonmassas, of 565 miljoen keer die massa van die Son. Die enigste supernova wat nog in die stelsel gesien is, is SN 1969Q, wat in Junie 1969 ontdek is.

M49 het ’n groot versameling bolvormige sterreswerms – sowat 5 900. Dit is egter veel minder as die 13 450 bolswerms in die superreusagtige elliptiese sterrestelsel Messier 87. Die swerms in M49 is gemiddeld sowat 10 miljard jaar oud.

M49 is die eerste lid van die Virgo-sterrestelselswerm wat ontdek is. Dit is die helderste stelsel in die Virgo-swerm – helderder as enige stelsel nader aan die Aarde. Dit is in ’n swaartekrag-interaksie gewikkel met die onreëlmatige dwergstelsel UGC 7636. Die dwerg toon ’n spoor van afval wat oor rofweg 1 × 5 boogminute strek.

• SEDS: Sterrestelsel M49
• Swartkolk in M49
• Messier 49 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's

• Wiki Afrikaans  Wiki Commons het meer media in die kategorie Messier 49.
•   Hierdie artikel is vertaal uit die Engelse Wiki

12^h 29^m 46.7^s, +08° 00′ 02″