Mercury-Atlas 6: Ruimtetuig en vaart
Mercury-Atlas 6 (MA-6) is die eerste Amerikaanse ruimtevlug waar die ruimtetuig in 'n wentelbaan om die aarde geplaas is, as deel van die Mercury-program.
Die ruimtevaart is op 20 Februarie 1962 vanaf Kaap Canaveral gelanseer en die ruimteman was John Glenn. Dit was die vyfde bemande ruimtevaart ooit, die eerste twee was die Sowjetunie se Vostok 1 en Vostok 2 vaarte gevolg deur die twee sub-orbitale vlugte van Mercury-Redstone 3 en 4.
Die Mercury-ruimtetuig met die naam Friendship 7 is in 'n wentelbaan geplaas deur 'n Atlas LV-3B vuurpyl. Die lansering het by lanseerkompleks 14 te Kaap Canaveral-lugmagstasie, Florida plaasgevind. Nadat die ruimtetuig drie keer om die Aarde gewentel het, het dit die atmosfeer binnegedring en in die Atlantiese Oseaan neergeplons. Daar is die kapsule deur 'n helikopter van die vliegdekskip USS Noa herwin. Die totale vlugtyd was vier ure, 55 sekondes en 23 sekondes.
Verwysings
This article uses material from the Wikipedia Afrikaans article Mercury-Atlas 6, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.