Melville: Voorstad van Johannesburg, Suid-Afrika
Melville is 'n boheemse voorstad sowat 5 km wes van Johannesburg se middestad waar sommige van die Goudstad se gewildste kuierplekke geleë is.
Melville se kroeë en restaurante lok veral studente van die Universiteit van Johannesburg se nabygeleë Aucklandparkkampus asook studente van die Universiteit van die Witwatersrand in naburige Braamfontein.
Melville | |
|---|---|
 | |
  Melville Melville se ligging in Gauteng | |
| Koördinate: 26°10′33″S 28°0′32″O / 26.17583°S 28.00889°O 28°0′32″O / 26.17583°S 28.00889°O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Hoofplek | Johannesburg |
| Oppervlak | |
| • Totaal | 1,72 km2 (0,66 vk. myl) |
| Bevolking (2011) | |
| • Totaal | 3 355 |
| • Digtheid | 1 951/km2 (5 050/vk. myl) |
| Rasverdeling (2011) | |
| • Wit mense | 55,6% |
| • Indiërs/Asiërs | 5,2% |
| • Bruin mense | 3,2% |
| • Swart mense | 33,4% |
| • Ander | 2,7% |
| Taal (2011) | |
| • Engels | 50,5% |
| • Afrikaans | 22,7% |
| • Zoeloe | 6,5% |
| • Tswana | 4,5% |
| • Ander | 15,8% |
| Poskode (strate) | 4449 |
| Poskode (posbusse) | 4450 |
In teenstelling met die meeste ander noordelike voorstede is Melville saam met Parkhurst en Greenside een van min plekke waar koffiehuise, restaurante en winkels langs strate geleë en nie tot winkelsentrums beperk is nie. Sy besondere atmosfeer en sy ligging naby die historiese voorstad Sophiatown maak van Melville ook 'n toeristetrekpleister. Die Melvillekoppies, golwende heuwels temidde van 'n grasveld in die gelyknamige natuurreservaat, is nie net 'n belangrike opgrawingsplek nie, maar bied ook 'n goeie uitsig oor Johannesburg.
Geskiedenis
Die voorstad is op 5 Oktober 1896 geproklameer en genoem na die landmeter Edward Harker Vincent Melvill. In die openbare verkoopskennisgewing is Melville beskryf as 'n "skilderagtige en gesonde plek in die nabyheid van Johannesburg, met 'n uitstekende uitsig oor die beboste landskap in die noorde, met die blou bergreekse van Pretoria wat soos lyne van staal teen die gesigseinder uitstrek".
Langs Melville se strate het koffiekroeë, restaurante en winkels ontstaan. Die meerderheid eetplekke is langs 7de Straat geleë, hoewel enkele nuwe restaurante en nagklubs langs Hoofstraat gevestig is. Met meer as dertig gastehuise in die nabye omgewing is Melville 'n gewilde verblyfplek vir toeriste. Die Afrikaanse sepie 7de Laan het tot 2015 bygedra tot Melville se landswye bekendheid met openingstonele van sepia-getinte winkels langs 7de Straat, maar dit is in daardie jaar vervang deur beelde van moderne winkels wat niks met Melville te doen het nie
In 2015 het 'n ongewone nuwe winkelsentrum sy deure in Melville geopen. 27Boxes bestaan uit sowat tagtig skeepshouers wat in meer as 100 winkels omskep is. Die inspirasie vir die sentrum, wat deur die firma Citiq gebou is, het soortgelyke projekte in Engeland en Frankryk gelewer.
Sien ook
Verwysings
This article uses material from the Wikipedia Afrikaans article Melville, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.