Mauna Kea
Mauna Kea is 'n slapende vulkaan op Big Island (Hawaii), die grootste eiland van die Amerikaanse deelstaat Hawaii, en een van altesaam vyf vulkane waaruit hierdie eiland bestaan.
Pu'u Wekiu, een van talle slakkekeëls op die piekplato, is die hoogste punt in die deelstaat op 'n hoogte van 4 205 meter (13 796 voet) bo seevlak.
| Mauna Kea | |
|---|---|
 Die sneeubedekte piek van Mauna Kea,soos gesien vanuit die Kohala-berg | |
| Ligging | Big Island, Hawaii (VSA) |
| Hoogte | 4 205 (voet tot piek: 10 205) meter bo seevlak |
| Reeks | Hawaii-Emperor-bergreeks |
| Koördinate | 19°49′15.7″N 155°28′6.0″W / 19.821028°N 155.468333°W 155°28′6.0″W / 19.821028°N 155.468333°W |
| Bergtipe | Skildvulkaan |
| Rotsouderdom | 400 000 jaar |
| Laaste uitbarsting | ~2460 v.C. ± 100 jaar |
  Mauna Kea | |
Mauna Kea is een van die hoogste bergspitse ter wêreld as 'n mens sy hoogte vanaf die voet meet wat teen 'n diepte van 5 800 meter (19 000 voet) onder die seespieël van die Stille Oseaan lê. Mauna Kea bereik sodoende 'n totale hoogte van 10 205 meter (33 000 voet).
In die inheemse Hawaiïese taal beteken Mauna Kea letterlik "Wit Berg", 'n verwysing na sy piek wat gedurende die wintermaande gewoonlik met sneeu bedek is.
Mauna Kea het in die 1960's bekendheid verwerf as die oefenterrein vir die ruimtevaarders van die Apollo-ekspedisies en staan vandag veral bekend vir sy sterrewagte teen 'n hoogte van 3 400 meter.
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Mauna Kea. - (en) "Mauna Kea". Encyclopædia Britannica. Besoek op 9 Junie 2017.
This article uses material from the Wikipedia Afrikaans article Mauna Kea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.