Mariaboodskap

Hierdie artikel handel oor die verkondiging dat Maria die moeder van Jesus sal word. Moenie verwar word met Onbevlekte Ontvangenis van Maria deur haar ouers nie.

Gabriël het vir Maria opdrag gegee om haar seun Jesus, letterlik "JHWH is verlossing", te noem.

Volgens die Evangelie volgens Lukas 1:26 het die aankondiging "in die sesde maand" van Elizabet se swangerskap met Johannes die Doper plaasgevind. Baie Christene herdenk hierdie gebeurtenis met die Fees van die Verkondiging op 25 Maart, nege maande voor Kersfees, 'n benadering aan die noordelike dag-en-nag-ewening in die lente, nege volle maande voor Kersfees, die seremoniële geboortedag van Jesus. Saam met die Mariaboodskap het pous Sergius I die Mariafeeste Mariageboorte, Marialigmis en Mariahemelvaart ingestel.

Die Aankondiging is 'n belangrike onderwerp in die Christelike kuns, maar ook in die Mariaanse kuns van die Rooms-Katolieke Kerk, veral van die Middeleeue en Renaissance. 'n Kunswerk wat die Aankondiging uitbeeld, word soms self Aankondiging genoem. Tientalle kerke is aan die leerstelling van Mariaboodskap gewy.

Die hoofartikel vir hierdie afdeling is: Jesus in Islam.

Die Verkondiging word ook in die Koran beskryf, in Soera 3:44.

⁴⁴ Toe die engele gesê het: O Maria! Waarlik, Allah stuur u ’n blye tyding met ’n woord van Hom oor een wie se naam die Messias sal wees, Jesus, die Seun van Maria, geëerd in hierdie wêreld en in die Hiernamaals, en hy sal onder húlle wees wat in Allah se nabyheid sal vertoef.

Soera 19:17 verwys ook na die Verkondiging.

• (en) "The Feast of the Annunciation". Catholic Encyclopædia. Besoek op 25 Augustus 2019.
• (de) "Maria: "Annunziata" – "Verkündigung des Herrn"". Ökumenisches Heiligenlexikon. Besoek op 25 Augustus 2019.
• (en) "Annunciation". Encyclopædia Britannica. Besoek op 25 Augustus 2019.